Mark 12:2 - সান্তালী বাইবেল

² Ado jo belekʼ okte hoyen khan ona jo reakʼ bhag hatao lạgitʼ onko cacasko ṭhen mitʼṭen gutiye kolkedea.

Santali Common Language New Testament

² Ado jo belekʼ okte hoyen khan ona jo reakʼ bhag hatao lạgitʼ casako ṭhen mitʼṭen gutiye kolkedea.

Mark 12:2 Referans Kwoze

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Luk 20:10

Ado okte hoyen khan uni do darkha jo reakʼ bhag hatao lạgitʼ cacasko ṭhen mitʼṭen gutiye kolkedea. Menkhan cacasko do uniko dalkedea ar eken tiko kol ruạṛkadea.

Luk 12:48

Menkhan okoe begor baḍaete sạjại ńam reakʼe kạmi akatʼ uni do thoṛageye sạjại ocokʼa. Ar ḍhere em ocoakanicʼ ṭhen khon do ḍhergeko hataoa ar ḍhere jimạ ocoakan hoṛ hõ bạ̃ṛtiko koeyea.

Mathae 21:34

Ado tinre jo belekʼ reakʼ okte hoyena unre uni do acʼakʼ bhag hatao lạgitʼ cacasko ṭhen acʼren gutikoe kolketʼkoa.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

Mark 12:1

Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena.

Mark 12:3

Menkhan cacasko do uni guti sapʼkedeteko dalkedea ar eken tiko kolgotʼkadea.