Mark 12:15 - সান্তালী বাইবেল

¹⁵ Ar uni do khajnale emaea se baṅ?” Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạu aṭkarediń kana? Den mitʼṭecʼ Dinar ạguạńpe.”

Santali Common Language New Testament

¹⁵ Ar uni do khajnale emaea se baṅ?” Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạuedeń kana? Den mitʼṭen Dinar ạguạńpe.”

Mark 12:15 Referans Kwoze

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Aposkạmi 5:9

Unre Patras do uniye metadea, “Probhu Isorren Jiu biḍạue lạgitʼ cedakʼ ben mitʼ mot akana? Ńelme, okoeko hoṛ amren jãwãeko topakede onko do duạr ṭhenko hecʼ seṭerakana, ar amhõ bahreteko oḍok idimea.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Luk 20:23

Jisu do onkoakʼ phundi baḍaeketʼteye metatʼkoa,

Mark 10:2

Un jokhecʼ adom Phạrusiko do hecʼkate Jisu biḍạue lạgitʼko kulikedea, “Moseyakʼ ạn lekate jãhãe hoṛ rinicʼtetʼe bạgiye do ganokʼtaea se baṅa?”

Mathae 22:18

Jisu do onkoakʼ monsubại baḍaeketʼ khane metatʼkoa, “E phạsiạrako, cedakʼpe biḍạuediń kana?

Jeheskel 17:2

“E manwa hopon, phen hotete Israelko lạiyakome,

Mathae 20:2

Uni do kạmiyạko tulucʼ dinre mimitʼ Dinar kateye rikitketʼte acʼakʼ darkha bagwanteye kolkatʼkoa.

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

Mark 12:16

Ado mitʼṭen Dinarko aguade khan Jisu do onkoe kuliketʼkoa, “Noare chap akan muṭhạn ar ńutum do okoeyakʼ kana?” Metadeako, “Romren maharajakʼ kana”

Johan 8:6

Onko do Jisu biḍạue lạgitʼ noa kathako roṛkeda, jemon dusire paṛaoe lạgitʼ mitʼṭecʼ ạtko ńam daṛeakʼ. Unre Jisu do tumbutʼkate kạṭupʼte otre olokʼe ehopʼena.