Mark 11:8 - সান্তালী বাইবেল

⁸ Ar ạḍi utạr hoṛ do akoakʼ oyonakʼko hor horteko aṭetʼkeda ar eṭakʼko do goḍa khon ḍạrko hese ạguketʼte hor horteko aṭetʼ idikeda.

Santali Common Language New Testament

⁸ Ar ạḍi utạr hoṛ do akoakʼ oyonakʼko hor horteko aṭetʼkeda ar eṭakʼko do goḍa khon ḍạrko hese ạguketʼte horteko aṭetʼ idikeda.

Mark 11:8 Referans Kwoze

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

Mathae 21:8

Ar gadel hoṛ do hor horte akoakʼ kicricʼkoko aṭetʼkeda. Ar eṭakʼko do dare ḍạrko hese ạguketʼte horteko aṭetʼ idikeda.

Mark 11:7

Ado Jisu ṭhenkin ạgukede khan uni cetanre ạkinakʼ oyonakʼkin aṭetʼkeda. Ar Jisu do unireye decʼena.

Mark 11:9

Ar Jisu laha lahate calakʼkanko ar uni pańjayekanko do ãṭ aṛaṅteko hoho idiyetʼ tahẽkana, “Hosanna! Bhorangeae Probhu Isor ńutumte daraekạnicʼ do.