Mark 11:33 - সান্তালী বাইবেল

³³ Onateko menkeda, “Ale do bale baḍaea.” Unre Jisui metatʼkoa, “Enḍekhan iń hõ bạń lạiyapea oka ektiạrite noakoń kạmikana.”

Santali Common Language New Testament

³³ Onateko menkeda, “Ale do bale baḍaea.” Unre Jisui metatʼkoa, “Enḍekhan iń hõ bạń lạiapea oka ektiạrite noakoń kạmi kana.”

Mark 11:33 Referans Kwoze

2 Korinthiko 3:15

Menkhan teheń hạbicʼ hõ Moseyakʼ ạn-ạri puthiko paṛhao jokhecʼ Israelkoakʼ ontor do ona orwalte esetʼge tahenkana.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Johan 9:27

Uni hoṛ doe roṛ ruạṛatʼkoa, “Iń ma coṅ laharegeń lại akawatʼpe, menkhan ape do bape ańjomleda. Enḍekhan cedakʼ arhõ ańjom sanayetʼpea? Ape hõ cetʼ uniren cela hoyokʼ sanayetʼpea?”

Johan 3:10

Unre Jisu do uniye metadea, “Israelkoren guru hoykatere hõ cetʼ noako bam bujhạueda?”

Mathae 21:27

Onate onko do Jisuko roṛ ruạṛadea, “Ale do bale baḍaea.” Unre Jisui metatʼkoa, “Enḍekhan iń hõ bạń lạiyapea oka ektiạrite noakoń kạmikana.”

Mathae 16:4

Niạ bạṛicʼ ar laṭghaṭ piṛhiren hoṛge cinhạ doko ńam bakʼṛakana, menkhan Jona reakʼ chaḍa ar okaṭakʼ hõ onko do baṅ udukʼakoa.” Inạ tayom Jisu do onko bạgiyatʼkoteye calaoena.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Mark 11:32

Arhõ bon men lekhan, ‘manwa secʼ khon,’ enḍekhan?” Onko do hoṛkoko botorakokan tahẽkana, ente sanamkoge Johan do mitʼṭen nạbi menteko manaoede tahẽkana.

Mark 12:1

Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena.