Mark 11:22 - সান্তালী বাইবেল

²² Unre Jisui metatʼkoa, “Isorre biswạs tahentapema.

Santali Common Language New Testament

²² Unre Jisui metatʼkoa, “Isorre biswạs tahentapema.

Mark 11:22 Referans Kwoze

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Mark 9:23

Jisui menkeda, “‘Daṛeakʼ khan,’ noa katha reakʼ mane do cetʼkana? Okoeye pạtiạukʼ uni lạgitʼ do jotoge hoedaṛeakʼa.”

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoyakana, jemon Isorren bachao hoṛko biswạs reakʼ horteń ạgu daṛeako, ar Isor bhokti sãote oka sạriyakʼtetʼ menakʼ ona baḍae lạgitʼ iń goṛo daṛeako.

Kolossiko lạgitʼ Pạul Apostolakʼ ciṭhi 2:12

Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ beretʼ ocoakana.

Mathae 17:20

Jisui metatʼkoa, “Apeakʼ nase pạtiạu iạte bape daṛeada. Sạrigeń metapekana, tuṛi jaṅ inạkʼ hõ biswạs tahentape ar noa burupe metakʼ, ‘nonḍe khon hanḍe ucạṛokʼme,’ enḍekhan ona do ucạṛokʼgea.

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

Mathae 14:29

Jisui menkeda, “Dela hijukʼme.” Unre Patras do lạukạ khon pheḍkate dakʼ cetante Jisu ṭhen calakʼe ehopʼena.