Mark 10:21 - সান্তালী বাইবেল

²¹ Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Santali Common Language New Testament

²¹ Jisu do uniye beṅgetʼadea ar dulạṛ salakʼe metadea, “Mitʼṭen jinis dom bạki akada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 10:21 Referans Kwoze

Johan sodor 2:4

Enrehõ am upạrte noa katha roṛteakʼ menakʼtińạ, ente lahate iń lạgitʼ cetʼ leka dulạṛ tahẽkan tam ona dom atʼakada.

Luk 10:42

menkhan mitʼṭecʼge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Jakob 2:10

Okoe hoṛ ạn-ạri pańjakatere hõ eken mitʼṭen babotreye kại uni do joto ạn-ạrikogeye bebataoetʼ kana.

Aposkạmi 2:45

Onko do akoakʼ khet baṛge ar dhon-duribko ạkhrińkate mimitʼkoakʼ jạruṛokʼakʼ lekako em hạṭińako kan tahẽkana.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Kạhtukko 23:23

Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Luk 9:23

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ kurus gokʼkate ińe pańjańma.

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

2 Korinthiko 12:15

Iń do ạḍi kusikatege oka menakʼtiń ona jotowakʼ ape lạgitʼiń khoroca ar apnartetʼ hõń emokʼa. Asambheṛeń dulạṛetʼpe khan cetʼ ape do komgepe dulạṛińạ?

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

2Timothi 3:12

Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

Genesis 34:19

Ar gharońjren manotan hoṛ Sikem do ar bae bilomletʼte uni doe rạjiyena, ente Jakobren kuṛi lạgitʼ ạḍiye ṭanokʼkan tahẽkana.

Mark 10:22

Noa katha ańjomkate uni hoṛ doe mirluṅena. Uni do ạḍi utạr dhon tahẽkantaete bhabnakateye ruạṛ calaoena.