Mark 10:2 - সান্তালী বাইবেল

² Un jokhecʼ adom Phạrusiko do hecʼkate Jisu biḍạue lạgitʼko kulikedea, “Moseyakʼ ạn lekate jãhãe hoṛ rinicʼtetʼe bạgiye do ganokʼtaea se baṅa?”

Santali Common Language New Testament

² Un jokhecʼ adom Phạrusiko do hecʼkate Jisu biḍạue lạgitʼko kulikedea, “Moseakʼ ạn lekate jãhãe hoṛ rinicʼtetʼe bạgiye do ganokʼtaea se baṅ?”

Mark 10:2 Referans Kwoze

Johan 8:6

Onko do Jisu biḍạue lạgitʼ noa kathako roṛkeda, jemon dusire paṛaoe lạgitʼ mitʼṭecʼ ạtko ńam daṛeakʼ. Unre Jisu do tumbutʼkate kạṭupʼte otre olokʼe ehopʼena.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Johan 11:57

Maraṅ naekeko ar Phạrusiko doko hukumletʼ tahẽkana je, Jisu okare menaea mente jãhãegeye baḍaele khan uni do onkoe baḍae ocoko jemon onko do Jisuko sapʼ daṛeae.

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmikana.

Johan 7:48

Mukhiyạko se Phạrusiko modren okoe hõ coṅ unirema bacoko pạtiạu akan.

Johan 7:32

Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Luk 7:30

Menkhan Phạrusiko ar sostor baḍaeko do Johan ṭhen bako bạptislente Isorakʼ monejoṅakʼko neṅghaokeda.

Luk 6:7

Unre sostor baḍaeko ar Phạrusiko do Jisu dusire paṛaoe lạgitʼ ạtko ńam baṛayetʼ tahẽkana. Ar jirạukʼ mãhãre uni do jãhãeye bogekoa se baṅ, ona lạgitʼ mońjteko tạnkhi baṛayede tahẽkana.

Luk 5:30

Unre Phạrusiko ar sostor baḍaeko doko karacʼ kurucʼente Jisuren celakoko metatʼkoa, “Mạsul uṭhạuko ar bạṛicʼ hoṛko tulucʼ do cedakʼpe jom ńũiyeda?”

Mark 8:15

Unre Jisui metatʼkoa, “Phạrusiko ar Herodrenkoakʼ khạmi khon sontor akae tahenpe.”

Mark 8:11

Ado onḍe Phạrusikoko oḍok hecʼen khan Jisu sãote reṭe peṭekʼko ehopʼena, ar biḍạue lạgitʼ serma khon mitʼṭecʼ cinhạko khojkeda.

Mathae 22:35

Onko modren mitʼṭen ạn guru do Jisu biḍạuea menteye kulikedea,

Mathae 19:3

Unre adom Phạrusiko do Jisu biḍạue lạgitʼ uni ṭhen hecʼkateko menkeda, “Moseyakʼ ạn lekate jãhãe hoṛ acʼren bạhu jãhãn karonte bạgiye do ganokʼtaea se baṅa?

Mathae 16:1

Phạrusiko ar Sạdukiko do Jisu bidạue lạgitʼ uni ṭhenko hecʼena ar serma khon mitʼṭecʼ cinhạ udukʼako lạgitʼko metadea.

Mathae 15:12

Unre celako hecʼkateko metadea, “Amakʼ noa kathate Phạrusikoko tạkijokʼkan dom baḍae kangea?”

Mathae 9:34

Unre Phạrusikoko menkeda, “Bhutkoren sordar hotete uni do bhutkoe oḍok giḍiyetʼkoa.”

Malaki 2:16

Israelren Probhu Isore meneda, “Bạhu bạgiye doń hirkhạwakʼ kana.” Ona chaḍa phạdkoren Probhu Isore meneda, “Kicricʼe horokʼetʼ leka okoe do sasantaoakʼte apnare sajaokʼkan uniyakʼ kạmi doń hirkhạwakʼ kana. Onate ape do apeakʼ ontor babotre sontor akae tahenpe, ar phạsiạrako do alope hoyokʼa.”

Mark 10:1

Jisu do ona jaega khon uṭhạukate Jihudạ Prodes ar Jordan gaḍa hanasae parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Mark 10:3

Jisui metatʼkoa, “Mose do cetʼ hukume em akawatʼpea?”