Malaki 4:4 - সান্তালী বাইবেল

⁴ “Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Malaki 4:4 Referans Kwoze

Dosar Biboron 4:10

Ar enhilokʼ reakʼ katha monre disạ dohokakʼpe oka hilokʼ Horeb burure Probhu Isor samaṅrepe hạjirlen. Enhilokʼ uni do ińe metadiń tahẽkana, ‘ińakʼ katha ańjom lạgitʼ hoṛko iń samaṅre jarwakom jemon onko do niạ dhạrtire jiwetʼ jonom ińgeko sewawạń ar onkoren hoponko hõ ińakʼ hukum reakʼko cetʼako.’

Romiko lạgitʼ Pạul Apostolakʼ ciṭhi 3:31

Noa biswạs iạte cetʼ ạn-ạriko bon mạutạ ocoyeda? Tis hõ baṅa, bickom ạn reakʼ katha sạrikana mente bon sạbud ocoyetʼ kana.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Dosar Biboron 4:23

Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’