Malaki 4:1 - সান্তালী বাইবেল

¹ Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Malaki 4:1 Referans Kwoze

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Jesaea 47:14

Onko do bhusạ lekan kanako; cetʼ leka seṅgel do onkoe ḍahaoko. Onko do seṅgel lepʼ khon apnarte bako rukhiyạ daṛeakʼa. Niạ seṅgel lepʼ do aṅgra seṅgel do baṅ kana one duṛupʼkateko jorokʼ daṛeakʼ se marsalko ńam daṛeakʼ.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Obodiạ 1:18

Jakobakʼ bõsren doko hoyokʼa seṅgel ar Josephakʼ bõsrenko do seṅgel reakʼ lepʼge; Esao bõsrenko do lanḍha lekako hoyokʼa ar ona seṅgel do onakoe lo torocʼkoa. Esao bõsren do celege jiwetʼ bako tahena. Iń Probhu Isorge noa katha doń meneda.”

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Jobakʼ 18:16

Latarre uniyakʼ rehetʼko do rohoṛokʼkana ar cetanre uniyakʼ ḍạrko do gujukʼkana.

Luk 21:20

“Tinre Jerusalem do palṭonko hotete esetʼ ạcurakatʼpe ńela unre bujhạupe, Jerusalem dhaṅ dhaserokʼ din do sorakana mente.

Luk 19:43

Nonkan okte hijukʼkana amren bạiri do am upạrteko teṅgona arko gherao ạcurmea ar sanam secʼ khonko cipạmea.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Malaki 4:5

“Ńelpe, Probhu Isorakʼ ona maraṅ ar botoranakʼ din ạuri hijukʼrege iń Probhu Isor do ape ṭhen Eliạ nạbiń kolea.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Sakariạ 14:1

Probhu Isorakʼ nonkan din hijukʼ kana oka hilokʼ Jerusalemren hoṛkoakʼ jinisko luṭokʼtakoa ar onko samaṅrege hạṭińokʼa.

Sephaniạ 1:14

Probhu Isorakʼ ona maraṅakʼ din do sor hecʼakana ar ạḍi usạrage hijukʼkana. Ote Probhu Isorakʼ din reakʼ sabad ańjompe! Unre lạṛhại birko do hasoteko raga.

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Exodus 15:7

Okoe am upạrteko teṅgoyen amakʼ maraṅ ṭhonokte onko do latartem giḍikatʼkoa; ar amakʼ jal jalaokʼkan edre do busupʼ leka onkoe lo maraoketʼkoa.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Jesaea 41:2

“Purub secʼren uni do okoeye teṅgo ocokedea, one uni taṛam piche jitge daram edekan? Uni do boṅgan hoṛ jạtrenko uni ṭhene soprotkoa. Ar ona iạte uni do rapajko jaṅgateye lebetʼ gańjaokoa. Uni do acʼakʼ tarwaṛete dhuṛi lekae hoyocokoa ar uniyakʼ akʼte bhusạ lekae oṭaṅkoa.

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Sereńko 119:119

Dhạrtiren sanam bạṛicʼ hoṛko do mạilạ lekam pharaketʼkoa, ar onatege iń do amakʼ sanam kathakoń dulạṛeda.

Luk 6:23

Unre ape do rạskạkʼpe ar hulạsokʼpe, ente ape lạgitʼ sermare maraṅ kuṛại menakʼa. Ente onkoren hapṛam hõ nạbikoko onkaletʼkoa.

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Jeheskel 21:32

Ape do seṅgel lạgitʼ sahan lekagepe hoyokʼa. Apeakʼ mãyãm do apeakʼ disạmrege jorokʼa ar ape dope hiṛiń ocokʼa. Iń Probhu Isorge noa katha doń meneda.’ ”

Jeheskel 24:11

Ona tayom aṅgra cetanre ạjạuṛi celaṅ condaeme; jemon ona dhipạukʼ, ar ona reakʼ pitạl do jeredokʼ, jemon ona reakʼ mạilạko onarege lekʼte ona reakʼ icʼtetʼ jeretʼ cabakʼ.

Jeheskel 34:17

“ ‘E ińakʼ palrenko, ańjomtińpe. Iń do bhage bhiḍi ar bạṛicʼ bhiḍiko talareń bicạra. Ar bhiḍi ar meromko talare hõń bicạra.

Malaki 3:3

Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

Sereńko 37:9

Bạṛicʼ hoṛ doko marao ocokʼa, menkhan Probhu Isorre okoeko bhorsakʼ kan onko do disạmko ạidạri joṅa.