Malaki 3:5 - সান্তালী বাইবেল

⁵ Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Malaki 3:5 Referans Kwoze

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Dosar Biboron 5:11

‘Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Malaki 2:14

Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Levitikus 20:27

“Jãhãe herel hoṛ se maejiu hoṛ bhutko se bạṛicʼ jiuko tulucʼ helmelko dohoy enḍekhan onko doko gocʼ ocokʼa. Onko do dhiriteko tiń gocʼ ocokʼa. Ar akoakʼ gujukʼ lạgitʼ do akogeko dạyikokʼa.”

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Romiko lạgitʼ Pạul Apostolakʼ ciṭhi 3:8

Enḍekhan cetʼ noa katha bon mena, “Dela, bạṛicʼakʼ bon kạmi idima jemon bạṛicʼakʼ hotete bhageakʼ hoyokʼtabon?” Adom adom hoṛko nisṛạuetʼbona je, abo do nonkan kathage bon roṛ baṛayeda. Onko do akoakʼ sạjạiko ńamjoṅa.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Sereńko 81:8

E ińren hoṛko, ińakʼ sontor katha ańjompe; E Israelko, ape do ińakʼ kathako luturakʼpe.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Dosar Biboron 24:17

“Upriạ ar ṭũạr amarko lạgitʼ behokakʼ reakʼ do alope bicạra. Ar rạnḍi maejiuko ṭhen khon bandhok lekate kicricʼ hõ alope hataoa.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

Genesis 42:18

Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

Jakob 5:12

E ińren boehako, iń do asokaete noa kathań metapekana, ape do serma, ar ot se eṭakʼ jãhãnakʼ ńutumte alope kiriạkʼa. Ona khon bickom, “Hẽ khan hẽ, ar baṅ khan baṅ,” hoyokʼtape ma, jemon bicạrre dayi alope hoyokʼ.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Luk 23:40

Unre eṭagicʼ doe menkeda, “Am do cetʼ Isor bam botoraekana? Am hõ coṅ onkan sạjạigem ńametʼkan.

Sereńko 36:1

Bạṛicʼkoakʼ ghạṭ reaṅ ińakʼ ontor do Isorakʼ noa kathae ńam akada, “Bạṛicʼko do Isor bako botoraea.”

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Dosar Biboron 18:10

Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

Jesaea 57:3

Probhu Isore meneda, “E gunidar ạimạiren hoponko, laṭghaṭicʼ ar kusumbiren hoponko, dela nonḍe hijukʼpe.

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 5:29

Onate cetʼ onko do bạń sạjạikoa? Iń do cetʼ nonkan jạtrenko cetanre bạń halaea? Iń Probhu Isorge noa katha doń meneda.

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 27:9

Onate aperen nạbiko, gonokko, ar kukmũ guruko, mãyãko, se jạdu udukʼkoakʼ katha do alope ańjomtakoa; onko do apeko metapea, Babel rajren golam do bape hoyokʼa.

Jirimiạ 27:10

Onko do eṛeyakʼko nạbiya, onate ape do apeakʼ disạm khonpe sạṅgiń ocokʼa; iń do apeń laga ńirpea ar ape dope marao utạrokʼa.

Jirimiạ 42:5

Unre onko do Jirimiạko metadea, “Amren Probhu Isor do okaṭakʼ baḍae ocole lạgitʼe kolme ar onka baṅle kạmi enḍekhan ale upạrte Probhu Isorge mitʼṭen sạri pạtiạricʼren gohae hoyokʼma.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Sakariạ 11:12

Iń do onkoń metatʼkoa, “Bhagepe hudisetʼ khan ińakʼ kuṛại em kạtińpe; ar bhage bape hudisetʼ khan do doho oṭokakʼpe.” Unre onko do pegel rupạ ṭakako emadińạ.

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Dosar Biboron 15:13

Ar sạdhine oktere uni do eken ti alope bidạ gotʼkaea.

Jobakʼ 7:2

Guti cetʼleka ạyubokʼ reakʼ koyokʼ hor akaeye tahen, ar din mujuri hõ cetʼleka acʼakʼ kuṛại lạgitʼe asokʼ,

Jobakʼ 31:12

Ona kại do nonkan seṅgel kana oka do Sheol hạbicʼ jolokʼkan, ona do ińakʼ jotowakʼe ḍahao maraoetʼkana.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”