Malaki 3:2 - সান্তালী বাইবেল

² Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Malaki 3:2 Referans Kwoze

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Luk 3:9

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Johan 8:55

Ape do tis hõ bape baḍae akadea, menkhan iń doń baḍae edekana. Ar bạń baḍae akadea menteń menle khan, ape leka eṛeyicʼgeń hoyokʼa. Menkhan iń doń baḍaeyede kana ar uniyakʼ katha lekageń calakʼ kana.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Jirimiạ 2:22

Am do sạji dakʼtem ạrupʼlenre hõ ar ḍher sạbuntem sạbunlenre hõ enhõ amakʼ ghạṭko reakʼ gabao do iń samaṅre tahengetama. Iń Probhu Isorge noa katha doń meneda.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Mathae 25:10

Ado onko lilhi kuṛi sunum kirińko sen akan tahẽkanrege Jãwãe beṭa doe hecʼena. Ar unre sapṛao akan tahẽkan kuṛiko do Jãwãe beṭa sãote bapla oṛakʼteko boloyena. Ar sanamkoko boloyen khan silpiń do sińena.

Mark 9:3

Uniyakʼ kicricʼko do nonka pĩṛĩtʼ pĩṛĩtʼ ponḍena je, dhạrtiren okoe dhubi hõ onka do ohoe ponḍ oco daṛekea.

Jeheskel 22:14

Ar oka hilokʼ am ṭhen khon hisạbiń hataoa enhilokʼ do cetʼ dil tahentamgea? Amakʼ ti do cetʼ keṭecʼge tahentama? Iń Probhu Isorge noa katha doń meneda ar onage iń doń onkaea.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Luk 7:23

Bhạgangeae uni do, okoe iń iạte monre bae tạkijokʼ.”

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Sereńko 130:3

E Probhu Isor, dhorom reakʼ hisạbem hatao khan, enḍekhan E Probhu Isor, okoeye teṅgo ṭarhao daṛeakʼa?

Kạhtukko 25:4

Rupạ khon mạilạ chaṭao ocogme, enḍekhan sonhar do onate mońj bhajankoe benao daṛeakʼa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Genesis 19:28

Uni do Sodom, Gomora ar bilạn ṭạnḍi secʼe beṅgetʼketʼ khan maraṅ okocʼ culhạre cetʼleka dhũạ rakabokʼ onkageye ńelkeda.

Jobakʼ 28:1

“Rupạ reakʼ do khạn menakʼa ar sona nirại ocoy reakʼ hõ ṭhạ̃i menakʼa.