Malaki 3:18 - সান্তালী বাইবেল

¹⁸ Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Malaki 3:18 Referans Kwoze

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Jirimiạ 12:15

Menkhan onkoń totʼ giḍikako tayom do arhõń dayawakoa onkoakʼ apan ạpin ạidạrite ar mitʼke mitʼ hoṛkoakʼ disạmteń ruạṛ ạgukoa.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohowateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiyape kana.”

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Jobakʼ 17:10

“Bhagegea, ape do hecʼkate arhõ kurumuṭuipe. Ape talare akelanicʼ do okoehõ bạń ńelekana.

Jobakʼ 6:29

Hudis ruạṛpe, behokko do alope hoyokʼa; arhõ hudispe, ente iń do ńithõ dhoromge minạńa.

Daniel 2:18

Uni do onkoe nehõratʼkoa jemon ona baṅ baḍaeteakʼ baḍae lạgitʼ sermaren Isor ṭhen dayako khoj, ar onkate eṭakʼ ạkilanko sãote ako hõ jemon aloko gujukʼ.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Exodus 11:7

Menkhan Israelko modren jãhãe upạrte mitʼṭen setawakʼ bhokʼ hõ baṅ ańjomokʼa, baṅ do manwa ńelte ar baṅ do janwar upạrte. Jemonpe baḍae daṛeakʼ, Probhu Isor do Misriko ar Israelko talareye bekʼgarkana mente.