Malaki 3:17 - সান্তালী বাইবেল

¹⁷ Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Malaki 3:17 Referans Kwoze

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

1 Korinthiko 6:20

Ape do apnar lạgitʼ dope baṅkana; ente aema damtepe kiriń ocoakana; onate apeakʼ hoṛmo do Isorakʼ mạhimakʼ lạgitʼ emokʼpe.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Sephaniạ 2:2

Ona din do peṭecʼ leka uḍạu hijukʼkana; onate niṭ akatʼ okte ạuri hijukʼre, ar Probhu Isorakʼ jolokʼkan edre apere ạuri hijukʼre, uniyakʼ khĩs ạuri hijukʼre ape do mitʼ saote jarwakʼpe.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

1 Korinthiko 15:23

Menkhan ona modre pạli menakʼa; pạhilre do Mạsige, ar ona tayom do Mạsirenko. Ar onko do uniyakʼ seṭerokʼreko jiwetʼ beretʼ ocokʼa.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Soros sereń 2:16

Dulạṛiạtiń doe ińren kangea ar ińhõ unirenge; uni do sikiyạm baha bagwan talareye gukʼpikana.

Exodus 32:32

Menkhan ńitokʼ do ma dayakate onkoakʼ ghạṭko ikạ katakom, ar bam onkawako khan amakʼ puthi khon ińakʼ ńutum baṛe meṭao giḍikakʼme.”

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Sereńko 115:13

Uni do acʼ botoraekan kạṭicʼ lạṭu sanamkoe bhorakoa.