Malaki 3:14 - সান্তালী বাইবেল

¹⁴ Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Malaki 3:14 Referans Kwoze

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Jobakʼ 35:3

Am do unim metaekana, ‘noate ińakʼ lab do cetʼ? Bạń ghạṭ akatʼ khan iń do cetʼ onań ńama?’

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Jobakʼ 34:9

Uni doe meneda, ‘Isor kusi ocoye do manwa lạgitʼ jãhãn labge bạnukʼa.’

Jakob 4:9

Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Jobakʼ 22:17

Uni do bhage bhage jiniskote onkoakʼ oṛakʼe perecʼletʼ takoa ar enhõ onko do Isorko metade tahẽkana, ‘am do pharakokʼme. Sanam daṛeanicʼ do cetʼe ceka daṛeabona? Menkhan bedhoromkoakʼ sopolha khon iń do sạṅgińreń tahenkana.

Jesaea 43:22

“Menkhan E Jakob, am do bam hohoakadińạ; E Israel, am do iń iạtem laṅga akana.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 18:12

Menkhan onko doko roṛ ruạṛkeda, ‘jãhãn labge bạnukʼa. Ale do aleakʼ bundisakʼko leka gele calakʼa; ale mimitʼko do aleakʼ bạṛicʼ mon reakʼ kạṭhuạtetʼ lekagele kạmiya.’ ”

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Malaki 3:13

Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’

Jirimiạ 44:18

Menkhan tin khon sermaren rạni ńutumte dhup jered ar coḍorle bạgikeda, un khon ale do reṅgejokʼle ehopʼena ar lạṛhạite, akaltele marao idikʼ kana.”