Malaki 3:13 - সান্তালী বাইবেল

¹³ Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’

Malaki 3:13 Referans Kwoze

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Malaki 2:14

Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jobakʼ 40:8

Am do cetʼ ińakʼ bicạrem bhoṭetʼtińa? Ińgem dusiyediń kante cetʼ am do dhoromem ṭarhaokʼ kana?

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Jirimiạ 44:18

Menkhan tin khon sermaren rạni ńutumte dhup jered ar coḍorle bạgikeda, un khon ale do reṅgejokʼle ehopʼena ar lạṛhạite, akaltele marao idikʼ kana.”

Jeheskel 18:25

“Enhõ ape dope menetʼkana, ‘Probhu Isorakʼ hor do ṭhikakʼ baṅkana.’ E Israelko, ańjompe. Ińakʼ hor do cetʼ behok reakʼ hor kana? Ona do baṅa, bickom apeakʼ kangea behok reakʼ hor do.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.