Malaki 3:10 - সান্তালী বাইবেল

¹⁰ Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Malaki 3:10 Referans Kwoze

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Dosar Biboron 28:12

“Apeakʼ disạmre okte nạpitre dakʼkoe kolte apeakʼ sanamakʼ kạmiko lạgitʼ Probhu Isor do acʼakʼ murại khon, metakʼme sermae jhicʼapea. Onate aema jạtrenko rinpe emakoa, menkhan ape do okoe ṭhen khon hõ rin bape hataoa.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Numeri 18:21

“Israelkoakʼ gel hạṭiń reakʼ mitʼ hạṭiń okaṭakʼ do ińko imạń onage iń do Liwikoń ematʼkoa. Ńapamokʼ tạmbure sapʼdapʼ kạmi bodolte onko do onako ńama.

Levitikus 26:10

Nãwã anaj dohoy lạgitʼ murạikoko khạliy jokhecʼ hõ laha bochor reakʼ anaj khonge apeakʼ jomakʼ do hoyokʼa.

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

2 Rapajko 7:19

Uni guti do Isorren hoṛe metade tahẽkana, “Ńelme, Probhu Isor do serma reakʼ duạre jhicʼlere hõ noa do baṅ hoedaṛeakʼa?” Isorren hoṛe roṛ ruạṛleda, “Am do amakʼ mẽtʼtegem ńela, menkhan ona reakʼ do cetʼge bam jom ńama.”

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Nehemiạ 12:47

Serubabel ar Nehemiạ oktere hõ Israelko do jotoge gaenaha ar rurukhiyạkoakʼ dinạm hilokʼ reakʼ kuṛạiko emkatako kan tahẽkana. Ona chaḍa onko do eṭakʼ liwikoakʼ kuṛại hõ begarkateko dohokakʼ kan tahẽkana ar liwiko hõ Aron bõsrenkoakʼ paona lạgitʼko begar dohokakʼ kan tahẽkana.

Genesis 7:11

Nohawakʼ umer tinre turuisae bochor tahẽkana, ar ona bochor reakʼ dosar cando reakʼ gel eaeakʼ dinre ot latar reakʼ dakʼ do oḍokokʼ ehopʼena ar serma hõ paṛakʼena.

Sosolhayic̕ 11:3

Rimil do dakʼte perecʼge tahen khan ona do dhạrtire dakʼe dul ruạṛa. Dare do utạr ar dạkhin jãhãsecʼge bhinḍạṛokʼ, ona do inạ ṭhạ̃irege tahenkana.

1 Bõsbudạ 26:20

Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

Levitikus 26:3

“Ińakʼ sanam niạmkope manao ar ińakʼ hukum lekape senokʼ enḍekhan iń do okte nạpitre dakʼ iń kolapea. Onate apeakʼ jumire purạ phosolpe ńama ar dareko hõ jo bahakʼ tapea.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Dosar Biboron 14:22

“Jao bochor apeakʼ jumire okako phosol hoyokʼ ona reakʼ gel hạṭiń reakʼ mitʼ hạṭiń dope begar dohokakʼa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Sereńko 78:23

Enhõ uni do coṭ sermae hukumada ar serma reakʼ duạre jhicʼkeda.

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Jeheskel 44:30

Joto lekan phosol reakʼ pạhilre rakapʼakʼ khon bhageakʼ hĩs ar apeakʼ sanam sandesko do naekekoakʼ hoyokʼa. Apeakʼ nãwã holoṅ reakʼ pạhilakʼ hĩs ape do onkope emakoa jemon apeakʼ gharońj cetanre bhor tahen.

Hosea 2:21

“Iń Probhu Isorgeń meneda, enhilokʼ amakʼ iń ańjomtama. Iń do sermań hukumaea; ar serma do dhạrtire dakʼe ema:

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Joel 2:24

Khạrại do phosolkote perejokʼtapea; bhajan khon darkha rasa ar sunum do se oḍokokʼa.

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”