Malaki 2:7 - সান্তালী বাইবেল

⁷ Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Malaki 2:7 Referans Kwoze

Levitikus 10:11

Ona chaḍa Probhu Isor do Mose hotete Israelko okako niạme emakatʼko ona hõ onkope cetʼakoa.”

Dosar Biboron 21:5

Ona tayom naekeko, metakʼme Liwi gusṭiren hoṛko do sapʼsosor kạmi lạgitʼko hecʼ sorokʼa, onko do Probhu Isor ńutumte hoṛko bhorakoa ar reṭepeṭe, dapal tapamre hoṛkoakʼko bicạr chinḍạutakoa ente aperen Probhu Isor do onkoe bachao akatʼkoa.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohowateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiyape kana.”

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

2 Bõsbudạ 30:22

Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Johan 13:20

Sạrigeń metapekana, iń okoeyin kole, ar uni okoeye ataṅe, uni do ińgeye ataṅedińạ ar iń okoeye ataṅiń uni do kol akadińicʼgeye ataṅedekana.”

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Hagae 1:13

Unre Probhu Isor do uniren goḍet Hagae hotete hoṛkoe metatʼkoa, “Iń Probhu Isor do ape são sãotege minạńạ.”

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Dosar Biboron 24:8

“Murhucʼ jom rog menakʼtae hoṛ khon sontorokʼpe ar Liwi naekeko okako hukumape onako joton salakʼ manaope. Iń okań hukum akawatʼko ape hõ sontor salakʼ onka leka calakʼpe.

Galathiko lạgitʼ Pạul Apostolakʼ ciṭhi 4:14

Ińakʼ ruạ iạtepe duklenre hõ bape hirkhạwạdiń tahẽkana, bickom Isorren goḍet se Jisu Mạsi cetʼlekape ataṅ akade onkage iń hõpe ataṅ sãohãledińa.

Jesaea 42:19

Ińren golam chaḍa ar okoeye kãṛãwa? Ińiń kol akade goḍet leka kala do okoe menaea? Ar iń cetanre bhorsakʼkạnicʼ kãṛã doe okoekana? Probhu Isorren golam leka kãṛã do okoe menaea?

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

1 Samuel 2:17

Probhu Isorakʼ mẽtʼre juạn naekekinakʼ kại do ạḍi bạṛicʼ ńelena, ente unkin do Probhu Isor ńutumte samaṅokʼakʼ jiniskokin nindạuetʼ tahẽkana.

2 Bõsbudạ 31:4

Naeke ar Liwiko jemon Probhu Isorakʼ ạn-ạri manao babotre apnartetʼ purạte jamaṛ akanko tahẽdaṛeakʼ onate onkoakʼ paona hĩs emkatako lạgitʼ uni do Jerusalemre girobasokʼ kan hoṛkoe hukumatʼkoa.

Esra 7:25

E Esra, Isor reaṅ amakʼ oka ạkil menakʼ ona lekate am do phurạt gaḍa pạchim aṛeren sanam hoṛko bicạrko lạgitʼ nonkan kạmiyạko ar bikʼcạrkom bahalkoa okoe do amren Isore emakan ạn-ạriko baḍae. Ar okoe ona bako baḍae onko do onape cetʼakoa.

Kạhtukko 5:2

Onate am do boge bạṛicʼ bujhạu reakʼ daṛem ńama, ar amakʼ moca khon ạkil do oḍokʼ hijukʼa.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jeheskel 7:26

Muhin cetan muhin hijukʼa, unạn cetan unạn ańjomokʼa. Onko do nạbiko ṭhen khon dorson reakʼ katha ańjom lạgitʼko kurumuṭuiya; naekekoakʼ ạn-ạri reakʼ cecetʼakʼ ar murubbikoakʼ sopolha do baṅ tahena.

Daniel 11:33

“Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

2 Rapajko 16:11

Damesek khon Ahas raje kolletʼ sanam goṭawakʼ lekage naeke Uriạ do mitʼṭecʼ pinḍe benaokeda ar Ahas raje ruạṛ hijukʼ laharege ona doe sạtkeda.

2 Rapajko 16:16

Ar naeke Uriạ do Ahas rajakʼ hukum leka jotowakʼe kạmikeda.

Sosolhayic̕ 5:5

Ente manotakʼ dohokate bam purạu daṛeakʼ khan baṅ dohoge bhagea.

Jeheskel 22:26

Uniren naekeko do ińakʼ ạn-ạri upạrteko kạmikana ar ińakʼ sonot jiniskoko besonot ocoyeda. Okaṭakʼ sonotakʼkan ar okaṭakʼ do sonotakʼ baṅkan ona jotoko mitʼeda; onko do sapha ar besaphawakʼ talare oka pharak menakʼ ona reaṅ bako cetʼako kana ar ińakʼ jirạukʼ mãhãko manao babotre mẽtʼ doko jạpitʼkatako kana. Onate onko talare ińakʼ ńutum reakʼ sonottetʼ do nosṭokʼ kana.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”