Malaki 2:6 - সান্তালী বাইবেল

⁶ Onkoakʼ mocare sạriyakʼ reakʼ cecetʼakʼge tahẽkana ar onare jãhãn eṛeteakʼ do baṅ tahẽkana. Sạriyakʼ ar dhoromte onko do iń sãoteko dãṛãnkan tahẽkana ar ḍherkoge kại khonko ruạṛ ạguiyetʼko tahẽkana.

Malaki 2:6 Referans Kwoze

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Johan sodor 14:5

Onko do tis hõ eṛe katha do bako roṛ akada, ar onko modre jãhãn dosge baṅ ńam akana.

Jirimiạ 23:22

Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Luk 20:21

Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeyakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạrigem cetʼakokana.

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Sereńko 37:30

Isor botoraekoakʼ moca do akel reakʼ kathae lại jạhira; onkoakʼ alaṅ do dhorom bicạr reakʼ kathageye roṛa.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

Dosar Biboron 33:10

Onko do Jakob amakʼ bicạrko cetʼaea, ar Israel do amakʼ ạnge, onko do am samaṅre dhupko dohoya. Ar amakʼ pinḍre goṭa jeretʼ cabakʼ samaṅokʼakʼkoge.

Dosar Biboron 33:8

Liwi reaṅ uni doe menkeda, “Amakʼ Thumim do Lewi emaeme, ar amakʼ Urim do amren dhoromicʼ, one uni Masa ṭhenem bulạulede, one uni tulucʼ Meriba dakʼ ṭhenem reṭepeṭelen.

Dosar Biboron 33:9

One uni acʼ eṅgat apat reakʼe menketʼ, bạń bạsutạkin kana, Ar acʼren boehako bae puchạuletʼko, ar acʼren hoponko bae baḍaeletʼko, uni do amakʼ kathakoe dohoyeda ar amakʼ bondoboskoe manaoeda.

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Sereńko 119:142

Amakʼ dhorom do jaejug hạbicʼkana, ar amakʼ sanam hukumko do sạrigea.

Sereńko 119:151

Menkhan E Probhu Isor, am do sorre menama, ar amakʼ sanam hukumko do sạrigea.

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

Kạhtukko 5:2

Onate am do boge bạṛicʼ bujhạu reakʼ daṛem ńama, ar amakʼ moca khon ạkil do oḍokʼ hijukʼa.