Malaki 2:5 - সান্তালী বাইবেল

⁵ Onko lạgitʼ oka bondobosiń doholetʼ ona do jion ar bhạlại reakʼ bondobos kana. Noa bondobosge onkoń ematʼko tahẽkana. Ona chaḍa noa do botoranakʼ bondobos hõ kana, jemon ińko botorạń; ar sạrige onko do ińko botorạńkan tahẽkana.

Malaki 2:5 Referans Kwoze

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Numeri 8:15

“Ar Liwiko sapha baṛakate dolek samaṅokʼakʼ lekate onko do ńapamokʼ tạmbu reakʼ kạmi lạgitʼko hoyokʼa.

Numeri 3:45

“Am do Israelkoren sanam pạhil herel hoponko bodolte Liwiko ar Israelkoren pạhil mĩhũ-merom hopon bodolte Liwikoren pạhil mĩhũ-merom hopon mente lekhako hoyokʼa. Liwiko do ińren kanako; ar iń kangeạń Probhu Isor do.

Numeri 25:7

Noa ńelketʼ khan naeke Aronren goṛomtetʼ koṛa Eleasarren hopon Pinehas do manḍerrenko ṭhen khon beretʼkate borlome hataokeda ar uni Israel hoṛ tayom tayomte uniyakʼ tạmbu bhitriteye boloyena ar borlomte bana hoṛe gathao mitʼketʼkinạ. Ar ona tayom Israelko mod khon mahamạri do thirena.

Sereńko 61:5

E Isor, ińakʼ monejoṅakʼko dom ańjomakatʼgea; am okoeko botoram kan ar onko lạgitʼ okaṭakʼ ạidạrim ṭarhao dohoakatʼ ona do amgem emakawạdińa.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.