Malaki 2:16 - সান্তালী বাইবেল

¹⁶ Israelren Probhu Isore meneda, “Bạhu bạgiye doń hirkhạwakʼ kana.” Ona chaḍa phạdkoren Probhu Isore meneda, “Kicricʼe horokʼetʼ leka okoe do sasantaoakʼte apnare sajaokʼkan uniyakʼ kạmi doń hirkhạwakʼ kana. Onate ape do apeakʼ ontor babotre sontor akae tahenpe, ar phạsiạrako do alope hoyokʼa.”

Malaki 2:16 Referans Kwoze

Luk 16:18

“Okoe acʼren bạhu bạgikate eṭakʼicʼe baplaye, uni doe laṭghaṭeda. Ar jãwãe khon bapag akan maejiu okoeye baplaye, uni hõe laṭghaṭeda.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jesaea 59:6

Onkoakʼ bindi ganakʼte kicricʼ do baṅ hoyokʼa; ar okako horokʼetʼkan onate apnartetʼ hõ bako aḍ daṛeakʼa. Onko do joto kạmige bạṛicʼgetakoa, onkoakʼ tire do jor julumge menakʼa.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 28:20

Ar apeakʼ gitijokʼakʼ aṭetʼ hõ khaṭokʼtapea, ar oyokʼ lạgitʼ kombol hõ sakṛakʼtapea.

1 Korinthiko 7:10

Bapla akanko do noageń hukumako kana, iń do baṅ menkhan Probhu Isorge; bạhu do jãwãetetʼ ṭhen khon aloe chaḍaokʼma;

Sereńko 73:6

Onate bạḍại do onkoakʼ hoṭokʼ reakʼ mala leka, ar santao do onkoakʼ hoṛmo reakʼ kicricʼ kana.

Kạhtukko 5:20

E bạbu, cedakʼ am do bạṛicʼ maejiurem moṅgonokʼ kana? Ar ạ̃nạ̃ṛi maejiu do cedakʼem hạṛubea?