Malaki 2:15 - সান্তালী বাইবেল

¹⁵ Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Malaki 2:15 Referans Kwoze

Malaki 2:14

Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

1 Korinthiko 7:14

ente rinicʼtetʼ hotete uni bepạtiạricʼ jãwãe ar jãwãetetʼ hotete uni bepạtiạricʼ rinicʼtetʼ doe sonot ocoakana; ar onka baṅ hoylen khan aperen gidrạko do besaphako hoykokʼa, menkhan Isor samaṅre onko do besapha doko baṅkana.

Genesis 1:27

Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ.

Titus lạgitʼ Pạul Apostolakʼ ciṭhi 1:6

Manḍerren maraṅ mukhiyạ do nonkanicʼ hoyokʼ jạruṛaea jemon uni do okoe hõ aloko dusi daṛeae. Uniren do eken mitʼṭen erae tahen ma. Uniren gidrạko do Mạsire biswạsiko hoyokʼ ma, onko do akoakʼ kusi sana leka aloko colon ma ar bebataoko aloko hoyokʼma.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jobakʼ 27:3

tinạkʼ din ińre jiwi menakʼ, tinạkʼ din Isorakʼ sahẽtʼ ińakʼ mũre tahen,

Ephesiko lạgitʼ Pạul Apostolakʼ ciṭhi 6:4

E babako, aperen gidrạko alope ạṛis ocokoa, bickom Probhu Isorakʼ ḍanṭao ar sikhạunate hara burukope.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Kạhtukko 7:25

Amakʼ mon do uni maejiuakʼ horte alom sen ocowakʼa, ar uniyakʼ horre hõ alom dãṛãna;

Kạhtukko 6:25

Uniyakʼ mońjtetʼ ńelte monre alom lalocokʼa, ar uniyakʼ mẽtʼ pipnire alom jhampa ocokʼa;

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

1 Korinthiko 7:2

Menkhan goṭa ṭạnḍige loṭghuṭi hoyokʼ kana, onate mimitʼ herel hoṛren do rinicʼtetʼe tahentaema, ar mimitʼ maejiuren hõ jãwãetetʼe tahentaema.

Aposkạmi 3:25

ar ape ma onko nạbikoren bõsko kanpe. Aperen hapṛamko lạgitʼ Isor okae bondobos akatʼ tahẽkan, ape hõ coṅ onaren bhạgiyạdarko kanpe. Isor do Abraham noa kathateye bondobos akawade tahẽkana, ‘am bõsren hotete dhạrtiren sanam jạtrenko do bhorko ńama.’

Johan 20:22

Noa menkate uni do celako oṅatʼkoteye metatʼkoa, “Sonot Jiu hatao joṅpe.

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Nehemiạ 13:24

Onko talaren ḍher gidrạkoge Asdod se eṭakʼ jạtrenkoakʼ pạrsiko roṛeda. Onko do Jihudi pạrsite roroṛ do bako baḍaea.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Genesis 24:44

Onate ińe mitạń, ne ńũiyme ar ińren ũṭko lạgitʼ dakʼe emokʼa, enḍekhan unige iń kisạ̃ṛren hopon lạgitʼ bachao akadeyicʼ bạhu doe hoyokʼma.’

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Exodus 20:14

“Alom laṭghaṭa.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Rut reakʼ kạhini 4:12

Probhu Isor do nui maejiuakʼ kukhire okoeṭakʼ hopone emam uni hotete amakʼ bõs do Tamorakʼ kukhiren Jihudạren hopon Peresakʼ bõs leka baṛe hoyokʼma.”

1 Samuel 2:20

Ar Eli do Elkana ar uniren bạhuttetʼe bhorakin jokhecʼe menetʼ tahẽkana, “Nui maejiu Probhu Isor ṭhen okoeṭakʼ hopone dan akade uni bodolte Probhu Isor do uniyakʼ kukhire arhõ gidrại emaea.” Ar inạ tayom onko do akoakʼ oṛakʼteko ruạṛ calakʼkan tahẽkana.

Kạhtukko 2:17

Uni do juạn okterege jãwãetetʼe bạgi akadea ar Isorakʼ bondobose bebatao akada.