Malaki 2:14 - সান্তালী বাইবেল

¹⁴ Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

Malaki 2:14 Referans Kwoze

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Jesaea 54:6

Am do bạgi giḍiyicʼ ar jiwi lokʼkantae maejiu lekagem hoyakana, ar juạn oktere bạgi giḍi akade bạhu lekagem hoyakana; menkhan Probhu Isor do arhõ ame hohowam kana. Iń amren Isorge niạ katha doń meneda.

Sosolhayic̕ 9:9

Siń cando latarre Isor okako dine emakawatʼme, amakʼ jion reakʼ onako dinre amren bạhu, okoe dom dulạṛede, uni sãote sukte khemaome, ente siń cando latarre amakʼ jion ar amakʼ kosṭoteakʼ khaṭaokʼre noa do amakʼ kuṛại kana.

Genesis 31:50

Ar ạlińren hoponera sãote bạṛicʼben beohar, enḍekhan hoponerakin tahenrehõ eṭakʼ maejiuko hataoko ben, ar okoehõ alaṅ sãote bae tahenrehõ disại ben, Isor do alaṅren gohae tahẽyena.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 42:5

Unre onko do Jirimiạko metadea, “Amren Probhu Isor do okaṭakʼ baḍae ocole lạgitʼe kolme ar onka baṅle kạmi enḍekhan ale upạrte Probhu Isorge mitʼṭen sạri pạtiạricʼren gohae hoyokʼma.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Kạhtukko 2:17

Uni do juạn okterege jãwãetetʼe bạgi akadea ar Isorakʼ bondobose bebatao akada.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Kạhtukko 30:20

Noakangea laṭghaṭ maejiuakʼ colon do; uni do laṭghaṭ tayom ḍạbrạ saphakateye meneda, “Iń do cetʼ bạṛicʼ hõ bạń kạmi akada.”

Soros sereń 1:15

E dulạṛiạtiń, am dom mońjgea! Ńelme am do ạḍim cehragea. Amakʼ mẽtʼkin do potam mẽtʼkin leka.

1 Samuel 12:5

Sạmuel do onkoe metatʼkoa, “Teheń do Probhu Isor kangeae goha do, ar uniren ojokʼ bahal akan hoṛko hõ goha kanako, ape do iń ṭhen khon jãhãn jinisge bape ńamleda.” Unre hoṛkoko menkeda, “Uni kangeae goha do.”

Genesis 2:18

Ar Probhu Isor doe menkeda, “Manwa eskar tahen do baṅ bhagea. Iń do uni lạgitʼ mitʼṭen lek lekan gateń benaoaea.”

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Bikʼcạrko 11:10

Gileadren murubbiko roṛ ruạṛadea, “Probhu Isorge aleren gohae hoyena, am okam menketʼ onagele onkaea.”

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

Jirimiạ 9:2

Hae, hahaṅkar ṭhạ̃ire horten calakʼkoakʼ mitʼṭecʼ ḍerań hoylen khan! Enḍekhan ińren hoṛko bạgikate onḍegeń sen pharakkokʼa, ente onko jotoge laṭghaṭ ar ekʼṛekoren dol kanako.

Kạhtukko 5:20

E bạbu, cedakʼ am do bạṛicʼ maejiurem moṅgonokʼ kana? Ar ạ̃nạ̃ṛi maejiu do cedakʼem hạṛubea?

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”