Malaki 2:11 - সান্তালী বাইবেল

¹¹ Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Malaki 2:11 Referans Kwoze

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Jeheskel 22:11

aḍepaseren hoṛren bạhutetʼ sãote, kimintetʼ sãote ar kạki gogoren hoponera sãoteko laṭghaṭetʼ kan.

Jeheskel 18:13

uni do sudte ṭaka dhare emokʼkan ar bạ̃ṛti sude hataoetʼkan, enḍekhan uni hopon do cetʼ jiwetʼe tahena? Uni do jiwetʼ bae tahena. Uni do noa hirkhạwakʼe kạmi akatʼte khạṭigeye gujukʼa. Uni do acʼakʼ gujukʼ lạgitʼ apnarge dạyireye paṛaokʼa.

Jirimiạ 7:10

Ar ona tayom do ińakʼ oṛakʼre hecʼkate iń samaṅre teṅgokatepe meneda, ale dole rukhiyạle ńamkeda. Apepe onkayeda jemon bạṛicʼ kạmikope kạmi daṛeakʼ.

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Sereńko 106:28

Onko do Peor burure Bakʼal debotako pujạwadea ar gocʼ hoṛko ńutumte dãṛẽ akatʼ jelko jomkeda.

Esra 10:2

Unre Elamren mitʼ bõsren Jehiyelren hopon Sekaniạ do Esrae metadea, “Aboakʼ disạmreko girobasokʼ kan judạ judạ jạtren kuṛiko bon bapla akatʼkote aboren Isor ṭhen do bepạtiạrko bon hoyakana; menkhan enhõ Israelkoakʼ as do ńithõ menakʼgea.

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Bikʼcạrko 3:6

Onko do onkoren kuṛikoko baplayetʼko tahẽkana ar ako hõ akoren kuṛiko onkoren koṛako lạgitʼko emokʼkan tahẽkana ar onkoren debotakoko sewawako kan tahẽkana.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

Malaki 1:1

Malaki hotete Israelko ṭhen Probhu Isorakʼ katha.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”