Malaki 1:9 - সান্তালী বাইবেল

⁹ Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Malaki 1:9 Referans Kwoze

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Jirimiạ 27:18

Onko doko nạbikan khan ar Probhu Isorakʼ katha onko ṭhen menakʼ khan enḍekhan Probhu Isorakʼ oṛakʼ reakʼ, Jihudạwakʼ raj oṛakʼ reakʼ ar Jerusalemre ńithõ oka jinisko sarecʼ menakʼ ona jemon Babelte alo idikʼ ona lạgitʼ phạdkoren Probhu Isor ṭhenko nehõrokʼ ma.

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniyakʼ sanalekae kạmi enḍekhan Isor do uniyakʼe ańjomtaea.

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Amos 5:22

Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.