Malaki 1:4 - সান্তালী বাইবেল

⁴ Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Malaki 1:4 Referans Kwoze

Jeheskel 25:14

Iń do ińren hoṛ Israelkoakʼ tite Edom cetanreń hala hạliya ar onko do ińakʼ edre ar khĩs lekate Edom birudteko kạmiya. Unre onko doko baḍae daṛeakʼa, ińgeń hala hạli akada mente.”

Jeheskel 35:9

Jaejug lạgitʼ am do ujạṛ utạrakʼ iń hoyocomea; amakʼ nagrahakore do ar celege bako girobasokʼa. Unrem baḍae daṛeakʼa, ińkangeạń Probhu Isor do.

Jirimiạ 31:17

Onate tayom daram din lạgitʼ as do menakʼgetama. Amren hoponko do akoakʼ disạmteko ruạṛ hijukʼa. Iń Probhu Isorge niạ katha doń meneda.

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Jesaea 34:5

Ińakʼ tarwaṛe do sermare ńu rosao akana, ńelpe, bikʼcạr lạgitʼ ona do Edom cetanre, metakʼme okoeko hoṛ do jarkharokʼ lạgitʼ iń dohoakatʼko onko cetanre pheḍ hijukʼa.

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Jeheskel 11:10

Ape do lạṛhạirepe gujukʼa; ar Israelakʼ simạnare sanamkoń sạjạipea. Unrepe baḍae daṛeakʼa ińkangeạń Probhu Isor do.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jobakʼ 12:14

Uniye rạputʼ giḍilere celege bako benao ruạṛa; ar jãhãe hoṛe siń esetʼlere celege bako jhijea.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Jirimiạ 49:8

E Dedanren hoṛko, ape do ńir ruạṛokʼpe ar dạṛjoṅpe, danaṅ ṭhạ̃ite senkate okokʼpe, ente Esao cetanre muhiniń paṛao ocoya ar uniń sạjạiyea.

Jirimiạ 49:20

Onate Probhu Isor do Edom upạrte okae goṭa akatʼ, ar Temanren hoṛko upạrte okae pontha akatʼ ona ańjomme. Palren kạṭicʼ hoponko hõko or idi ocokʼa; onkoakʼ kạmi khạtirtege ạtiń ṭạnḍi doe maraoa.

Jeheskel 25:13

Ona iạte iń Probhu Isorgeń menetʼkana, Edom upạrte iń do tiyiń tiyạrtińạ ar onḍenko sanam hoṛ ar janwarkoń gocʼ cabakoa. Ona do dhaṅ dhaserakʼgeń hoeocoya ar Teman khon Dedan hạbicʼ hoṛko do tarwaṛeteko gujukʼa.

Jeheskel 26:14

Am do cạṭạni lekań hoyocomea ar am do jhạliko tase reakʼ rohoṛ ṭhạ̃igem hoyokʼa. Ar am do bam benao aro ocokʼa, ente iń Probhu Isorge noa katha doń meneda.

Jeheskel 35:4

Amakʼ nagrahako do dhaṅdhaserakʼ ṭhạ̃igeń hoeocoya ar am do ujạṛakʼem hoyokʼa. Ar unrem baḍae daṛeakʼa, ińkangeạń Probhu Isor do.

Amos 3:15

Iń do rabaṅ din oṛakʼ ar oṛakʼ banargeń rạpuda; ar hạti ḍaṭate kạmi akatʼ oṛakʼ do nosṭokʼa ar maraṅ maraṅ oṛakʼko do maraokʼa. Iń Probhu Isorge noa katha doń meneda.”

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Obodiạ 1:10

Amren boeha Jakob upạrte santao lạgitʼ am do lajaotem dapalokʼa; am do jaejug lạgitʼem marao utạrokʼa.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.