Malaki 1:14 - সান্তালী বাইবেল

¹⁴ Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Malaki 1:14 Referans Kwoze

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Luk 12:46

Enḍekhan okaṭakʼ din ar okaṭakʼ ghuṛi reakʼ katha bae hudisetʼkan, ona din ar ona ghuṛirege acʼren kisạ̃ṛ doe hijukʼa. Are makʼ paṛagea ar bepạtiạrko tulucʼ jaegae ṭhikaea.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Sereńko 76:12

Uni do disạm calaokoakʼ bạḍạiye heseketʼtakoa; ar dhạrtiren rapajko do uniko botoraea.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Ibriko 12:29

Ente aboren Isor do ḍahao maraoakʼ seṅgel lekanae.

1Timothi 6:15

Uni maraṅ bhạgan Isor, one uni eskar cakʼlaoyicʼ ar rapajkoren raj are Probhukoren Probhu kan, unige acʼakʼ okte nạpitre Mạsiye sodorea.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jirimiạ 48:10

Probhu Isore meneda, “Ińakʼ kạmire okoe hoṛe asketokʼ unire do sarap paṛaokʼma. Okoe acʼakʼ tarwaṛere mãyãm bae joro ocoy uni cetanre hõ sarap paṛaokʼma.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Dosar Biboron 28:58

“Noa puthire olakan ạn-ạriko joton salakʼpe senakʼte ona lekape colon, metakʼme ‘aperen Probhu Isorakʼ ṭhonokte perecʼ ar botoranakʼ ńutum bape manot,

Genesis 27:12

Iń baba do tinre tite hoṛmoreye capoyińạ ar unreye hudisa uni doń ṭhoka akadea. Unre uni do bhor bodolteye sarapạńa.”

Mark 14:8

Uni okae daṛeakatʼ onageye kạmi akada. Uni do topayiń lạgitʼe sapṛaoedińte laharege sunume ojokʼ ạdińa.

Mathae 24:51

Ar unre uni doe makʼ paṛagea ar phạsiạrako tulucʼ bakhrae niṭaea. Onḍe do rakʼjoṅ ar togocʼ ḍaṭa hoyokʼa.

Mathae 5:35

Dhạrti ńutumte hõ alo ente ona do uniyakʼ jaṅga lebedokʼ jaega kana. Jerusalem ńutumte hõ alo, ente ona do maraṅ rajakʼ nagraha kana.

Malaki 3:9

Ape do saraprege menakʼpea, enhõ aperen goṭa jạtrenko do ińko ṭhokayediń kana.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

Sereńko 48:2

Isorakʼ tahen jaega do ona Sion burure, ar coṭre benaoakʼ maraṅ rajakʼ nagraha do ńelokʼte ạḍi mońjgea; ona do goṭa dhạrtiye rạskạ ocoyeda.

2 Samuel 24:24

Raj do Arownae metadea, “Baṅa, ona do baṅ hoyokʼa. Iń do khạṭige damte onań kirińa. Begor damte ńamokʼ nonkan jãhãnakʼge Probhu Isor ńutumte jeredokʼ samaṅokʼakʼ do bạń samaṅa.” Niạ menkate Dạud do mõṛẽ Sekel rupạte ona khạrại ar ḍaṅgraye kirińketʼkoa.

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Malaki 2:1

Phạdkoren Probhu Isore meneda, “E naekeko, ńitokʼ ape ṭhen noa sontor kathań koleda. Ińakʼ katha bape ańjom ar iń bape manotiń enḍekhan ape cetanre sarapiń paṛao ocoya ar apeakʼ sanam ạsirbad do sarapakʼ iń hoeocoya. Hẽ, iń do lahate hõń onkaleda, ente manotiń secʼ do bape moneyakʼ kana.

Sereńko 47:3

Uni do eṭakʼ eṭakʼ jạtrenko abo gobolre, ar aboakʼ jaṅga latarreye dohoyetʼkoa.

Sereńko 47:8

Sanam jạtrenko cetanre Isor doe rajokʼ kana; uni do acʼakʼ sonot siṅghạsonreye duṛupʼ akana.

Sereńko 102:16

Probhu Isor do arhõ Sione teṅgo aroeya, ar uni do acʼakʼ ṭhonokteye ńel ocokʼa.