Luk 9:54 - সান্তালী বাইবেল

⁵⁴ Ona ńelte acʼren cela Jakob ar Johan dokin menkeda, “E Probhu Jisu, Eliạ leka serma khon seṅgel ńurakote marao giḍikako lạgitʼ hukum liń emamem khojkana?”

Santali Common Language New Testament

⁵⁴ Ona ńelte acʼren cela Jakob ar Johan dokin menkeda, “E Probhu, Eliạ leka serma khon seṅgel ńurakote marao giḍikako lạgitʼ hukum liń emamem khojkana?’’

Luk 9:54 Referans Kwoze

Johan sodor 13:3

Uniyakʼ bohokʼko modre mitʼ goṭen do gujukʼ dạkhil ghạl akantae tahẽkana, menkhan ona ghạl do bogeyentaea. Onate dhạrtiren sanam hoṛko hahaṛakʼ tulucʼ uni janwarko pańja idikedea.

2 Rapajko 10:31

Enhõ Jihu do goṭa ontorte Israelren Probhu Isorakʼ ạn-ạriko manao lạgitʼ bae sontorlena. Jerobiam Israelko okakoe kại ocoyetʼko tahẽkan uni hõ ona khon do bae ruạṛlena.

2 Samuel 21:2

Ona iạte raj do Gibeonrenkoe hohowatʼkote onko tulucʼe galmaraokeda. Gibeonren hoṛ do Israel hoponko talare bako tahẽkana. Onko do Amorikoren sarecʼko kanako. Onko alo maraoko lạgitʼge Israelko doko kiriạlena, menkhan Sạul do Israel ar Jihudạ lạgitʼe ãṭokʼkan tahẽkante onko sanamkoge gocʼko reakʼe kurumuṭuleda.

2 Rapajko 10:16

Ona tayom Jihuye menkeda, “Iń sãote hijukʼme ar Probhu Isor lạgitʼ ińakʼ tinạkʼ gagoc menakʼ ona baṛe ńelme.” Niạ menkate uni do rãt gạḍiteye idikedea.

2 Samuel 16:9

Noako katha ańjomkate Seruyaren hopon Abisae do raje metadea, “Nui gocʼ seta do ińren kisạ̃ṛ maharaj cedakʼe sarapae kana? Den uniyakʼ bohokʼ hesetae lạgitʼ aṛakʼạńme.”

2 Rapajko 1:9

Inạ tayom raj do mitʼṭen subedar ar uniren mõṛẽgel lạṛhại phạdko Eliạ ṭhene kolkatʼkoa. Unre Eliạ do mitʼṭecʼ burureye duṛupʼ akan tahẽkana. Ar uni subedar do Eliạ ṭhen rakapʼ senkateye menkeda, “E Isorren hoṛ, raj do pheḍ hijukʼe metamkana.”

Mark 3:17

Sabdaeren hopon Jakob ar Johan, (nukinakʼ ńutum do Boanergise dohoketʼ tạkina metakʼme huḍurren hoponkin);

Luk 9:55

Jisu do unkin secʼ ạcurkate dhomkao ketʼkinteye metatʼkinạ, “Abenre cetʼlekan jiu menaea ona do baben baḍaea, ente Manwa Hopon do manwa nosṭoko lạgitʼ do bae hecʼakana, bickom bańcaoko lạgitʼge.”

Johan sodor 13:13

Uni do maraṅ maraṅ hahaṛa kạmikoe ehopʼkeda, ar hoṛko samaṅre serma khon dhạrtite seṅgele pheḍ ạgukeda.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,