Luk 9:52 - সান্তালী বাইবেল

⁵² Uni do laharege onḍe hoṛkoe kolketʼkoa. Onko do Jisu sanamakʼ tearae lạgitʼ Samariạkoakʼ mitʼṭecʼ atoteko boloyena.

Santali Common Language New Testament

⁵² Uni do laharege onḍe hoṛkoe kolketʼkoa. Onko do Jisu sanamakʼ tearae lạgitʼ Samariạkoakʼ mitʼṭen atoteko boloyena.

Luk 9:52 Referans Kwoze

Mathae 10:5

Jisu do onko gelbarko noa hukumatʼkoteye kolketʼkoa, “Boṅgan hoṛ jạtrenko ṭhen do alope calakʼa ar Samariạkoakʼ okaṭakʼ atote hõ alope bolokʼa,

Luk 17:16

Uni do Samariạ Prodesren hoṛe tahẽkana.

Luk 10:33

Ona tayom Samariạren mitʼṭen hoṛ do ona horteye calakʼkan tahẽkanre uni hoṛ ṭhene hecʼ sorena. Ar uni hoṛ ńelte mãyã hecʼadea.

Luk 10:1

Ona tayom Probhu Jisu do arhõ eaegel celako porcar kạmi kolko lạgitʼe bachaoketʼkoa. Ar acʼ do okako ato ar jaegakote calakʼ lạgitʼe goṭa akatʼ tahẽkan, onako jaega calakʼ lahare uni do babar hoṛkateye kolkatʼkoa.

Johan 8:48

Unre Jihudi mukhiyạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Luk 7:27

Johan kangeae uni do, one okoe reaṅ sonot sostorre ol akan, ‘ńelme, am lahate ińren goḍetiń kolekana. Uni do am lahate senkate amakʼ hore teara.’

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Luk 17:11

Ado Jerusalemteko calakʼkan tahẽkanre Jisu do Samariạ ar Gạlil talateye sen paromokʼkan tahẽkana.

Johan 4:4

Ar Gạlilteye calakʼkan tahẽkan jokhecʼ uni do Samariạ disạm talate sen paromokʼ hoyentaea.

Johan 4:5

Uni do Samariạkoakʼ Sukhạrko metakʼ mitʼṭecʼ nagrahateye hecʼena. Noa nagraha do Jakob acʼren hopon Joseph okaṭakʼ jaegae emade tahẽkan ona sorrege tahẽkana.

Johan 4:9

Uni Samariạ maejiue menkeda, “Iń doń Samariạ maejiukana. Ar Jihudi hoykate cekate am do dakʼem koeyeń kana?” Maejiu do noa iạteye menkeda ente Jihudi ar Samariạko do bako duṛupʼ teṅgonkan tahẽkana.