Luk 9:5 - সান্তালী বাইবেল

⁵ Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko upạrte gohae teṅgokʼ.”

Santali Common Language New Testament

⁵ Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko birudre gohae teṅgokʼ.”

Luk 9:5 Referans Kwoze

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Aposkạmi 13:51

Unre Pạul ar Barnabas do onko hoṛko upạrte ạkinakʼ jaṅga reakʼ dhuṛikin koṭa giḍi oṭokatʼte Ikonium nagrahatekin calaoena.

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko upạrte goha hoyokʼ.”

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Luk 9:48

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Mark 9:37

“Jãhãege nonkan kạṭicʼ gidrạ iń ńutumteye ataṅe uni do ińgeye ataṅińạ, ar okoe ińe ataṅiń uni do eken iń do baṅ, menkhan kol akadińicʼgeye ataṅedekana.”

Luk 5:14

Jisu do uniye hukumadea, “Noa katha do okoe ṭhen hõ alom lại baṛaea, bickom senkate naeke ṭhen ńel ocokʼme. Ar ona tayom saphakʼ babotre Mose okaṭakʼ dãṛẽ reakʼe hukumakatʼ ona baṛe samaṅ me. Enḍekhan hoṛko ṭhenem sạbudokʼa am dom boge akana.”

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Luk 9:4

Ar jãhãṭakʼ oṛakʼregepe bolokʼ onḍege tahenpe ona ato ạuripe bạgiyakʼ hạbicʼ.