Luk 9:26 - সান্তালী বাইবেল

²⁶ Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Santali Common Language New Testament

²⁶ Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Luk 9:26 Referans Kwoze

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Johan 12:43

Onko do Isor ṭhenakʼ man khon hoṛko ṭhenakʼ mange bạ̃ṛtiko kusiyakʼkan tahẽkana.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu Isor do acʼren hajar hajar sonot goḍetkoante sanamko bicạrko lạgitʼe hijukʼkana,

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Johan sodor 3:5

Okoeye jitạukʼa uni do nonkan ponḍ kicricʼgeye horoga. Ar iń do jion reakʼ puthi khon uniyakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

1Timothi 5:21

Isor ar Jisu Mạsi ar bachao akan serma goḍetko samaṅreń kạjiạ̃uetʼme kana, okoe secʼ hõ baṅkate noako kạmime ar mẽtʼãhã beṅgetʼakʼte cetʼ hõ alom kạmiya.