Luk 8:52 - সান্তালী বাইবেল

⁵² Ar sanamkoge kuṛi lạgitʼko rakʼ homoretʼkan ar koṛamko ceṭagokʼkan tahẽkana. Unre Jisui metatʼkoa, “Alope raga, kuṛi do bae gocʼ akana, ekene jạpitʼ akada.”

Santali Common Language New Testament

⁵² Ar sanamkoge kuṛi lạgitʼko rakʼ homoretʼkan ar koṛamko ceṭagokʼkan tahẽkana. Unre Jisui metatʼkoa, “Alope raga, kuṛi do bae gocʼ akana, ekene jạpitʼ akada.”

Luk 8:52 Referans Kwoze

Johan 11:4

Noa katha ańjomkate Jisui menkeda, “Noa ruạ do gujukʼ lạgitʼ do baṅkana bickom Isorakʼ ṭhonok sodorokʼ lạgitʼge hoyakana, jemon noa hotete Isorren Hoponakʼ ṭhonok sodorokʼtae.”

Luk 23:27

Ar ạḍi utạr hoṛ do Jisuko pańja idiyede tahẽkana. Onko modre maejiuko hõko tahẽkana. Onko do koṛam ceṭakʼ ceṭakʼteko rakʼ homoretʼ tahẽkana.

Mathae 11:17

‘ale do ape lạgitʼ tiriole oroṅkeda, menkhan bape enecʼlena; homor halaṅkedale, ar koṛam hõ bape ceṭakʼlena.’

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

2 Samuel 18:33

Niạ katha ańjomkate rajakʼ mon do dukte perecʼentaea. Uni do phaṭok-duạr cetan reakʼ kandhate senkate rarakʼe ehopʼena. Uni do niạ katha men menteye rakapʼ calaoena, “Hae, ińren hopon Absalom, hae ińren hopontiń, hae ińren hopontiń do!”

Exodus 24:17

Israelkoakʼ mẽtʼre Probhu Isorakʼ ṭhonok do jolokʼ seṅgel leka buru reakʼ cuṛạre ńelena.

Luk 8:51

Ado Jaerusakʼ oṛakʼe seṭeren khan Jisu do Patras, Johan, Jakob ar kuṛiren eṅgat-apat chaḍa okoe hõ oṛakʼ bhitrite bae bolo ocowatʼkoa.

Luk 8:53

Khan hoṛko do uniko landa dhutʼadea, enteko baḍaekan tahẽkana kuṛi doe gocʼakana.

Luk 23:48

Ar okoeko onḍeko jarwa akan tahẽkan onko do noa ghoṭna ńelte koṛam ceṭakʼ ceṭakʼte onḍe khonko ruạṛ calaoena.