Luk 8:47 - সান্তালী বাইবেল

⁴⁷ Uni maejiu do bae oko daṛeakʼkana menteye ńelketʼ khan thar tharaoate hecʼkate Jisu samaṅreye ombakʼena. Ar sanamko samaṅreye lạikeda cedakʼe joṭetʼkedea, ar cetʼ lekateye bogeyena mente.

Santali Common Language New Testament

⁴⁷ Uni maejiu do bae oko daṛeakʼ kana menteye ńelketʼ khan thar tharao tulucʼ hecʼkate Jisu samaṅreye ombakʼena. Ar sanamko samaṅreye lạikeda cedakʼe joṭetʼkedea, ar cetʼlekateye bogeyena.

Luk 8:47 Referans Kwoze

Mark 5:33

Uni maejiu do hoyakanakʼe bujhạuketʼ khan thar tharaoate hecʼkate Jisuakʼ jaṅgareye giḍiyena ar jotowakʼe lạiyadea

2 Korinthiko 7:15

Ape sanamko cetʼleka botor ar manot salakʼ unipe ataṅkedete gobolre menakʼpea mentepe udukʼletʼ, ona disạte ape lạgitʼ uniyakʼ dulạṛ do arhõ bạ̃ṛtiyentaea.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

1 Korinthiko 2:3

Tinre apeko ṭheniń tahẽkana unre iń do nijorgeń ạikạuetʼ tahẽkana ar botorteń thar tharaokʼkan tahẽkana,

Sereńko 2:11

Bhokti salakʼ Probhu Isor dewa sewawaepe, ar ontorre botor salakʼ rạskạkʼpe.

Aposkạmi 16:29

Unre daroga do mitʼ hoṛ diuhe ạguiye metadea ar acʼ do bhitriteye ńir boloyena ar botorte thar tharaokʼkan tulucʼ Pạul ar Silạs tạkinakʼ jaṅgareye giḍiyena.

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Sereńko 38:9

E Probhu Isor, ińakʼ sanam khojogokʼakʼ dom baḍaegea; ińakʼ lolo sahẽtʼ hõ am ṭhen oko bạnukʼ anaṅ.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Mathae 28:8

Unkin do botor ar rạskạ salakʼ usạrate topa khon oḍokkate Jisuren celako noa khobor lạiyako lạgitʼkin ńir calaoena.

Hosea 13:1

Ephrayim kathae roṛlere hoṛko doko thar tharaokan tahẽkana; Israel gusṭirenko modre uni do maraṅ utạrice hoylena. Menkhan Bakʼal debota sewawae iạte dusiyente uni doe gocʼena.

Hosea 5:3

Ephrayim reaṅ do jotogeń baḍaea; ar iń khon Israel do danaṅre bạnuiya. Ephrayim do ńitokʼe laṭghaṭetʼ kana; ar Israel doe bhonḍ akana.

Sereńko 66:16

Okoe Isorpe bhoktiaekan ape do ańjompe; iń lạgitʼ uni okaṭakʼe kạmi akatʼ onań lạiyapea.

Luk 8:46

Enrehõ Jisui menkeda, “Ińiń baḍaea jãhãe baṅ jãhãe, ińe joṭetʼ akadińạ, enteń bujhạu daṛeada iń khon daṛe oḍokena.”

Luk 8:48

Onate Jisu do maejiue metadea, “E mạ̃i, amakʼ pạtiạugeye bańcao akatʼmea. Do sulukte ruạṛ joṅme.”