Luk 8:37 - সান্তালী বাইবেল

³⁷ Unre Gerasa ṭoṭharen sanam hoṛ do Jisuko nehõradea jemon ako ṭoṭha khone calaojoṅ, ente onko do botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Santali Common Language New Testament

³⁷ Unre Gerasa ṭoṭharen sanam hoṛ Jisuko nehõradea jemon ako ṭoṭha khone calaojoṅ, ente onko do ạḍi botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Luk 8:37 Referans Kwoze

Aposkạmi 16:39

Onko do Pạul ar Silạs ṭhen senkate ikạko koekeda ar hajot oṛakʼ khonko oḍok ketʼkinte nagraha bạgiyakʼ lạgitʼko nehõratʼkinạ.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Luk 9:56

Ona tayom onko do eṭakʼ atoteko calaoena.

Luk 9:5

Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko upạrte gohae teṅgokʼ.”

Luk 8:28

Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Mark 5:17

Onate hoṛko do Jisuko nehõradea jemon akoakʼ simạnako khone calao joṅ.

Mathae 8:34

Unre atoren hoṛko do Jisu tulucʼ ńapamokʼ lạgitʼko oḍok hecʼena. Arko ńapamkede khan akoakʼ elaka khon senokʼ lạgitʼko nehõradea.

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”

Dosar Biboron 5:25

Ado cedakʼle gocʼ giḍi ocokʼa? Niạ maraṅ daṛeakʼ seṅgel doe atar cabalea; ar ḍher ghạṛicʼ aboren Probhu Isorakʼ aṛaṅle ańjom lekhan ale dole gujukʼgea.

Luk 8:36

Ar okoe ona ghoṭnako ńelletʼ onko do hoṛkoko lạiyatʼkoa cetʼlekate uni doe bogeyena mente.

Luk 8:38

Ar okoe khon bhutko oḍoken uni do Jisui nehõradea, jemon acʼhõ uni sãoteye calao daṛeakʼ. Menkhan Jisu do noa katha menkateye bidạkadea,