Luk 7:44 - সান্তালী বাইবেল

⁴⁴ Ona tayom Jisu do maejiu secʼ beṅgetʼkate Simone metadea, “Nui maejiu baṛe ńeleme. Iń do amakʼ oṛakʼteń hecʼena ar jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Santali Common Language New Testament

⁴⁴ Ona tayom Jisu do maejiu secʼ beṅgetʼkate Simone metadea, “Nui maejiu mam ńelekange. Iń do amakʼ oṛakʼiń hecʼenre jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Luk 7:44 Referans Kwoze

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Bikʼcạrko 19:21

Noa menkate uni haṛam hoṛ do acʼakʼ oṛakʼteye idiketʼkoa ar onkoren gadhakoe jom ocoketʼkoa. Ar onko hõ ti-jaṅga ạbuk baṛakateko jom ńũkeda.

Genesis 43:24

Ona tayom uni do sanamko Josephakʼ oṛakʼ bhitriteye aderketʼkote ạbukokʼ lạgitʼ dakʼe ematʼkoa ar onko do jaṅgako ạbukena. Uni do onkoren gadhako hõe jom ocoketʼkoa.

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

1 Samuel 25:41

Niạ katha ańjomkate Abigael do otre ombakʼente Dạud ńutumteye menkeda, “Iń do amren kạ̃ṛmĩ kạnạń; amren gutiko sapʼsorako ar jaṅga ạbukko lạgitʼ doń sapṛaogea.”

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

2 Samuel 11:8

Ona tayom uni do Uriại metadea, “Amakʼ oṛakʼte senkate ti jaṅga ạbukokʼte jirạukʼme.” Uriạ do raj oṛakʼ khone oḍokena ar raj do uni lạgitʼ thoṛa sandese kolkeda.

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Luk 7:43

Simone menkeda, “Ińakʼ hudisre, okoeyakʼ bạ̃ṛti rin ikạ akantae unige.” Jisu do uniye metadea, “Am do ṭhikgem menakada.”

Johan 13:5

Ona tayom gamlare dakʼe dulketʼte celako jaṅgae ạbuk ketʼkoa ar ḍanḍareye paṭhe akan tahẽkan gamchate do jojotʼe ehopʼena.