Luk 7:39 - সান্তালী বাইবেল

³⁹ Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Santali Common Language New Testament

³⁹ Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼge.”

Luk 7:39 Referans Kwoze

Luk 7:16

Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼbona.”

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũiyeda.”

Mark 7:21

ente manwa bhitri khon, metakʼme ontor khonge joto lekan bạṛicʼ hudis, laṭghaṭ, kombṛo, khũn,

Jesaea 65:5

Onko doko mena, ‘pharakre tahenme; iń ṭhen do alom hijukʼa, ente am khon ḍhergeń sonotgea.’ Onko hoṛ do ińakʼ mũ reakʼ dhũạ kanako ar goṭa din jolokʼkan seṅgel kanako.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Johan 7:12

Ar hoṛko hõ bhiṛ talare Jisu reaṅko phasar phusuretʼ tahẽkana. Adomko doko menkeda, “Uni do bhage hoṛ kanae.” Arhõ adomko doko menkeda, “Baṅ, uni do hoṛkoe bulạuetʼkoa.”

Johan 4:19

Unre maejiu do Jisui metadea, “Ńit iń baḍae daṛeakʼ kana am do mitʼṭen nạbi kanam.

Luk 18:4

Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ,

Luk 16:3

“Unre guti do mone moneteye menkeda, ‘ńitokʼ do cetʼ iń cekaea? Ińren kisạ̃ṛ ma kạmi khone ocokʼediń. Ar hasa makʼ reakʼ daṛe hõ bạnukʼtiń ar kokoe mań lajaokʼkan.

Luk 7:37

Ona atore mitʼṭen bạṛicʼ maejiue tahẽkana. Ar Jisu do Phạrusiyakʼ oṛakʼre jom lạgitʼe calao akana menteye baḍaeketʼ khan uni do mitʼṭecʼ ponḍ dhiri cukạkʼte mahkaokʼ sunume idi darakeda.

Luk 3:8

Ar kại khon cetʼleka monpe ạcurakatʼ onkage ona reakʼ lek leka apeakʼ jionre jo udugpe. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe benao daṛeakoa.

Kạhtukko 23:7

ente uni doe nonkan hoṛ kana okoe do sanam ghạṛicʼ acʼakʼ jomakʼ reakʼ dame hisạb baṛayetʼ. Uni doe metama, “Ne jomme ar ńũime,” Menkhan uniyakʼ mon do am tulucʼ bạnukʼtaea.

Luk 12:17

Onate uni do mone monteye hudisana, ‘nunạkʼ phosol dohoy reakʼ jaega ma bạnukʼtiń; ńitokʼ do cetʼ iń cekaea?

Mathae 20:16

Golpo mucạtʼre Jisui menkeda, “Onkage okoe do tayomre menakʼko onko doko lahakʼa ar lahatenko doko tayomokʼa.”

Mathae 21:11

Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Luk 7:40

Jisu do uniye roṛ ruạṛadea, “E Simon, am tulucʼ thoṛa katha menakʼtińạ.” Simone menkeda, “E Guru, ma roṛme.”