Luk 7:38 - সান্তালী বাইবেল

³⁸ Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Santali Common Language New Testament

³⁸ Ar Jisu tayom secʼre uniakʼ jaṅga ṭhen senkate teṅgoyente rakʼ rakʼte mẽtʼ dakʼte uniakʼ jaṅgakine lohotʼketʼtaea. Inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Luk 7:38 Referans Kwoze

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Sosolhayic̕ 9:8

Jao okte amakʼ kicricʼ do ponḍge tahenma ar bohokʼre sunum ojokʼ kate rạskạkʼme.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Sereńko 38:18

Ińakʼ dosiń aṅgocetʼ tińạ; iń kại iạte mon do bhabnate perecʼ akantińạ.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Jakob 4:9

Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Mathae 5:4

Dukokʼ kogeko bhạgana, ente onko do jiwi raṛecʼko ńama.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Soros sereń 1:3

Amakʼ sunum reakʼ mońj so doe rạskạ ocoyediń kana; dul akatʼ mońj so sunum lekage amakʼ ńutumtam do. Onatege am do kuṛikoko dulạṛetʼmea.

Luk 22:62

Unre Patras do bahrete senkate hũk hũke rakʼkeda.

Luk 7:37

Ona atore mitʼṭen bạṛicʼ maejiue tahẽkana. Ar Jisu do Phạrusiyakʼ oṛakʼre jom lạgitʼe calao akana menteye baḍaeketʼ khan uni do mitʼṭecʼ ponḍ dhiri cukạkʼte mahkaokʼ sunume idi darakeda.

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Johan 11:2

Nui doe uni Mạriạm kana one okoe do Probhu Isorakʼ jaṅgare mahkaokʼ sunume ojokʼade tahẽkante acʼakʼ upʼte jaṅgakine jotʼletʼtae. Ar ruạte okoeye kạhil akan tahẽkan nui Lasar do Mạriạmren boehae tahẽkana.