Luk 7:29 - সান্তালী বাইবেল

²⁹ Arko ańjomketʼ sanam hoṛko ar mạsul uṭhạuko do Johanakʼ porcarte Isor do dhorom menteko aṅgockedete bạptismako ataṅkeda.

Santali Common Language New Testament

²⁹ Arko ańjomketʼ sanam hoṛko ar mạsul uṭhạuko do Johanakʼ porcarte Isor do dhorom menteko aṅgockedete bạptismako ataṅkeda.

Luk 7:29 Referans Kwoze

Luk 3:12

Ado mạsul uṭhạuko bạptisokʼ lạgitʼko hecʼen khan Johanko metadea, “E guru, ale do cetʼle cekaea?”

Luk 7:35

Menkhan okoe akel reakʼ gobolreko calakʼkan, onkoakʼ jiongeye sạbudetʼ kana, akel do khạṭigea mente.”

Johan sodor 16:5

Ar dakʼ cetanre okoeṭakʼ serma goḍetakʼ ektiạri tahẽkantae uni do noa katha roroṛiń ańjomkedea: “E sonoticʼ, am do menamgea arem tahẽkana. Am dom dhoromgea, ente am do noako sạjạiyem emakana.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Aposkạmi 19:3

Unre Pạule metatʼkoa, “Enḍekhan okaṭakʼ bạptismape ńamleda?” Adoko metadea, “Johanakʼ bạptismage.”

Aposkạmi 18:25

Uni do Probhu Isorakʼ hor reaṅ sikhnạte ńam akatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼako kan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Mathae 5:46

Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Luk 7:28

Ińiń metapekana, manwako modre Johan khon maraṅicʼ do okoe hõ bạnukʼkoa; enrehõ Isorakʼ rajre huḍiń utạricʼ do Johan khone maraṅgea.”

Luk 20:6

Ar bon menle khan, ‘manwa secʼ khon,’ enḍekhan disạm hoṛko dhiriteko tińbona, ente Johan do nạbi kanae menteko khạṭi akawana.”