Luk 7:19 - সান্তালী বাইবেল

¹⁹ Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeyakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”

Santali Common Language New Testament

¹⁹ Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”

Luk 7:19 Referans Kwoze

Johan 4:25

Unre uni maejiue menkeda, “Baḍaegeạń, Mạsi, okoe do Krisṭko metaekan uni doe daraekana. Are hecʼlenre sanamakʼe baḍae ocobona.”

Luk 10:1

Ona tayom Probhu Jisu do arhõ eaegel celako porcar kạmi kolko lạgitʼe bachaoketʼkoa. Ar acʼ do okako ato ar jaegakote calakʼ lạgitʼe goṭa akatʼ tahẽkan, onako jaega calakʼ lahare uni do babar hoṛkateye kolkatʼkoa.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Mark 6:7

Uni do acʼren gelbar celako acʼ ṭhene hoho sorketʼkoa ar babar hoṛkate porcar lạgitʼe kolkatʼkoa. Ar bạricʼ jiuko cetanre hõ ektiạriye ematʼkoa.

Luk 7:13

Probhu Jisu do uni rạnḍi maejiu ńelte mãyã hecʼadeteye metadea, “Alom raga.”

Luk 7:20

Unkin hoṛ do Jisu ṭhen hecʼkatekin metadea, “Johan bạbạptisicʼ do kulime lạgitʼ am ṭhene kol akatʼlińạ, ‘okoeyakʼ hijukʼ reakʼ katha menakʼtae uni dom amkangea, se eṭagicʼ lạgitʼle koyokʼ hora?’ ”

Luk 11:1

Mitʼdin Jisu do mitʼṭecʼ jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 13:15

Unre Probhu do uni mukhiyại metadea, “E phạsiạrako! Jirạukʼ mãhãre ape do cetʼ aperen gadha se ḍaṅgrako goṛa khon raṛakate dakʼ ńũ bape idiyetʼkoa?

Luk 17:5

Onko gelbar apostolko do Probhuko metadea, “Aleakʼ biswạs baṛe bạ̃ṛti kataleme.”

Luk 17:6

Probhui menkeda, “Mitʼṭecʼ tuṛi jaṅ inạkʼgan pạtiạu tahentape ar noa loa darepe metakʼ, ‘rehetʼ sudhạ upṛạukʼte jalapurire khadlekʼme;’ ar inạtege ona dare do apeakʼ kathae ańjomtapea.

Luk 18:6

Noa tayom Jisu do arhõe menkeda, “Uni bedhorom bicạricʼ cetʼe menketʼ ona baṛe hudisjoṅpe.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Luk 22:61

Unre Probhu do ạcurente Patrase beṅgetʼadea. Onate Patras do one Probhui metade tahẽkan kathae disạgotʼkeda, “Teheń sim sạnḍi ạuriye ragre pe dhaoem baṅeńa.”

Luk 24:34

Onko doko galmaraokan tahẽkana, Probhu Jisu do sạrigeye jiwetʼ beretʼ akana ar Simon ṭhene ńel ocoakana.

Johan 4:1

Jisu do Johan khon hõ bạ̃ṛtiye celayetʼko are bạptisetʼko ona do Phạrusikoko ańjomakatʼ tahẽkana.

Johan 6:23

Menkhan okare Probhu Isor do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena.

Johan 11:2

Nui doe uni Mạriạm kana one okoe do Probhu Isorakʼ jaṅgare mahkaokʼ sunume ojokʼade tahẽkante acʼakʼ upʼte jaṅgakine jotʼletʼtae. Ar ruạte okoeye kạhil akan tahẽkan nui Lasar do Mạriạmren boehae tahẽkana.