Luk 7:16 - সান্তালী বাইবেল

¹⁶ Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼbona.”

Santali Common Language New Testament

¹⁶ Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼ bona.”

Luk 7:16 Referans Kwoze

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye em akawadete Isor sarhaoeko ehopʼena.

Luk 1:68

“Israelkoren Probhu Isorakʼ sarhao hoyokʼtaema, ente uni do acʼren hoṛko secʼe beṅgetʼ akada are chaḍao akatʼkoa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Luk 5:26

Onate sanam hoṛko ṭhak cabayena ar botorokʼ salakʼ Isor sabasiyaeteko menkeda, “Teheń do hahaṛawakʼge bon ńelkeda!”

Luk 2:20

Serma goḍetko gupiko ṭhen okako lạiletʼ onkage bhiḍi gupiko do jotowakʼko ńelketʼ khan Isor sarhaoe ar sabasiae tulucʼko ruạṛ calaoena.

Luk 1:65

Noa ńelte aḍepaseren hoṛ do botor caṛhaoatʼkoa, ar Jihudạ reakʼ goṭa buru ṭoṭharen hoṛko noa reaṅ galmaraoko ehopʼena.

Mathae 21:11

Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Mathae 15:31

Onate guṅgạko roroṛkan, leḍhako taṛamkan, ṭhunṭạko bogekʼkan, ar kãṛãkoko ńeńelkana menteko ńelketʼko khan gadel hoṛ doko hahaṛa cabayena, ar Israelren Isorko sarhaokedea.

Sereńko 65:9

Amge dhạrti reakʼ otem hiriakada ar onare dakʼem jạṛiyakʼ kana; amge ona reakʼ sarsao ḍher ocoyme; am ṭhen khonge jạṛi dakʼ do pheḍ hijukʼkana; ar manwako phosolem emako kana. Ar nonkage am do hasam teareda.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Galathiko lạgitʼ Pạul Apostolakʼ ciṭhi 1:24

Ar iń iạte onko do Isorko mạhimawadea.

Aposkạmi 5:5

Ananiạs do noa kathae ańjomketʼ torage otre bhindạṛenteye gocʼena. Ar noa ghoṭna reakʼ katha okoeko ańjomketʼ onko sanamkoge ạḍi botor caṛhaoatʼkoa.

Johan 9:17

Unre onko do arhõ uni hoṛko kuli dohṛakedea, “Am do uni reakʼ cetʼem menkea? Ente uni do amakʼ mẽtʼkine jhicʼ ocoakatʼtama.” Uni doe menkeda, “Mitʼṭen nạbi kanae.”

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 4:19

Unre maejiu do Jisui metadea, “Ńit iń baḍae daṛeakʼ kana am do mitʼṭen nạbi kanam.

Johan 1:25

“Am do Mạsi hõ baṅ, Eliạ hõ baṅ, ar uni nạbi hõm baṅkan khan enḍekhan cedakʼem bạptisetʼkoa?”

Johan 1:21

Unre onko do Johanko kulikedea, “Okoe enḍekhan? Eliạ kanam?” Uni doe menkeda, “Baṅ, iń do Eliạ hõń baṅkana.” Onkoko metadea, “Enḍekhan am do cetʼ uni nạbi kanam?” Uniye roṛ ruạrkeda, “Baṅ.”

Luk 24:19

Jisu do unkine metatʼkinạ, “Cetʼ hoyakana?” Ado Nasaretren Jisu babotre hoyakanakʼ kin lạiyadea. Uni do nạbiye tahẽkana. Kạmire ar kathate Isor ar sanam hoṛko ṭhen daṛeanicʼe tahẽkana.

Luk 9:19

Celakoko metadea, “Adomko doko meneda am dom Johan bạbạptisicʼ kana; ar adomko doko meneda Eliạ kanam; arhõ adomko doko meneda sedaeren mitʼṭen nạbigeye jiwetʼ beretʼ akana.”

Luk 8:37

Unre Gerasa ṭoṭharen sanam hoṛ do Jisuko nehõradea jemon ako ṭoṭha khone calaojoṅ, ente onko do botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Mathae 28:8

Unkin do botor ar rạskạ salakʼ usạrate topa khon oḍokkate Jisuren celako noa khobor lạiyako lạgitʼkin ńir calaoena.

Aposkạmi 7:37

Nui kangeae uni Mose one uni Israelkoe metatʼko tahẽkan, ‘aperen Isor do aperen Israel boehako tala khon iń leka mitʼṭen nạbiye teṅgoapea.’

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Luk 7:15

Ar inạtege gocʼ akanicʼ do beretʼkateye duṛupʼena ar katha roroṛe ehopʼena. Ar Jisu do eṅgattetʼ ṭhene jimạkadea.