Luk 6:48 - সান্তালী বাইবেল

⁴⁸ Uni do nonkan mitʼṭen hoṛ lekanae, one okoe do oṛakʼe benao lạgitʼ khạndri macha la kate dhiri cetanre rehetʼe bạisạuketʼ. Ado banbạsi ar ạtukʼ dakʼko hecʼena ar ona oṛakʼre bajaoena, menkhan oṛakʼ do baṅ cekalena, ente ona do kajakte benao akan tahẽkana.

Santali Common Language New Testament

⁴⁸ Uni do nonkan mitʼṭen hoṛ lekanae, one okoe do oṛakʼe benao iạte khạndri macha la kate dhiri cetanre rehetʼe bạisạuketʼ. Ado banbạsi ar ạtukʼ dakʼko hecʼena ar ona oṛakʼre bajaoena, menkhan oṛakʼ do baṅ cekalena, ente ona do kajakte benao akan tahẽkana.

Luk 6:48 Referans Kwoze

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Sereńko 32:6

Ona iạte tinạkʼ din ạt menakʼ unạkʼ din amko botoramkan hoṛ do am ṭhenko koejoṅ ma; sạrige, muhin do banbạsi dakʼleka tinre hijukʼa unre ona do onko baṅ paṛao akoa.

2 Samuel 22:32

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Kạhtukko 10:25

Hoe bharḍo hecʼlenre bạṛicʼ hoṛ do bako tahena, menkhan Isor botorae hoṛ do jaejug diṛho akane tahena.

2 Samuel 22:47

Probhu Isor doe jiwetʼgea. Ińakʼ asray cạṭạini do sarhao hoyokʼtae ma. Ińren Isor, okoe doe ińren rurukhiyạicʼ burukan, uni doe usulokʼma.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

2 Samuel 22:5

Moron reakʼ ḍheokoteń esetʼ ạcurlena, maraokʼ reakʼ banbạsiteń toraslena.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

2 Samuel 22:2

Probhu Isorge ińren usul buru, ińakʼ aotan gaṛ ar ińren chakʼḍaoicʼ;

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.

Dosar Biboron 32:18

Ape do ona asray burupe nihạ̃t giḍiakada okoe doe aperen babakan; uni Isor dope hiṛiń akadea okoe do eṅgat leka bedon talate noa dhạrtiteye ạguakatʼpe.

Luk 6:47

Jãhãege iń ṭhen hecʼkate ińakʼ kathae ańjom ar ona lekae kạmi uni do okoe lekanicʼ iń lạikepea.

Luk 6:49

Okoe ińakʼ katha ańjomkate ona leka bae kạmi, uni do nonkan hoṛ lekanae, okoe do begor rehetʼ bạisạute hasa cetanre oṛakʼe benaoketʼ. Ado ạtukʼ dakʼ hecʼkate tinre ona oṛakʼre bajaoena unre ona oṛakʼ do lạnduṛ ńurena.”