Luk 6:45 - সান্তালী বাইবেল

⁴⁵ Bhage hoṛ do acʼakʼ ontorre perecʼ bhageakʼ khon bhage kathageye oḍok ạguiya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Santali Common Language New Testament

⁴⁵ Bhage hoṛ do acʼakʼ ontorre perecʼ bhageakʼ khon bhage kathageye oḍok ạguya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Luk 6:45 Referans Kwoze

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Johan 7:38

Ińre pạtiạukʼkạnicʼ do sonot sostor reakʼ katha leka uniyakʼ ontor khon jiwetʼ dakʼ reakʼ gaḍa ạtu oḍokokʼa.”

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Sereńko 59:12

Onkoakʼ moca reakʼ kại ar luṭi reakʼ kathare okaṭakʼ ạsis ar eṛeteakʼ menakʼ, onate onkoakʼ bạḍại iạteko sabokʼma.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Kạhtukko 12:18

Saegatʼ katha do tarwaṛe lekae sobokʼa, menkhan ạkilanicʼakʼ katha doe bogea.

Ibriko 8:10

Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Ephesiko lạgitʼ Pạul Apostolakʼ ciṭhi 5:19

ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu Isor õṛhẽ sereńaepe.

Kạhtukko 15:23

Okoe hoṛ lek lekate kathae roṛ uni doe kusikʼa; ente ṭhik oktere katha roṛ do tinạkʼ bhage!

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 59:7

Ńelme, onko do moca khon cokakʼ baklakʼko oḍokeda, onkoakʼ luṭi khon do tarwaṛe oḍokokʼ kana onko doko meneda, “Aboakʼ katha do okoe hõ bako ańjom ńama.”

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Jihudạwakʼ ciṭhi 1:15

ar bebhokti hoṛko do bebhokti lekate okako bạṛicʼ kạmiko kạmiakatʼ ar onko bebhokti kạiyan hoṛko Probhu Isor upạrte oka bạṛicʼ kathako roṛakatʼ, onate onko bicạr dusiko lạgitʼ uni doe hijukʼkana.”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.