Luk 6:30 - সান্তালী বাইবেল

³⁰ Okoe am ṭhenko koe onko do emakom. Ar jãhãe amakʼ jãhãn jinise idile khan ona do alom koe ruạṛea.

Santali Common Language New Testament

³⁰ Okoe am ṭhenko koe onko do emakom. Ar jãhãe amakʼ jãhãn jinise idi emanle khan ona do alom koe ruạṛea.

Luk 6:30 Referans Kwoze

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Mathae 6:12

Ar aleakʼ dosko ikạ katalem, cetʼ leka ale hõ aleakʼ dodoskole ikạ katako kan;

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Kạhtukko 21:26

Nonkan hoṛ menakʼkoa okoe do sanam ghạṛicʼko laloc, menkhan dhorom hoṛ doe emokʼa ar bae cuputʼ ruạṛa.

Sereńko 41:1

Bhạgangeae uni hoṛ, okoe do nacarko lạgitʼe dạndikʼkan; akalre Probhu Isor do uniye bańcaoea.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Luk 6:38

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

Mathae 18:35

“Onkage, ape mimitʼko aperen boehako apeakʼ ontorte bape ikạleko khan, sermare menae ińren Baba hõ apeye onkawapea.”

Sosolhayic̕ 8:16

Ạkil ńam lạgitʼ ar dhạrtire oka hoyokʼkan ona bujhạu lạgitʼ iń do tinreń moneyada unreń ńelkeda, mitʼṭen hoṛakʼ mẽtʼ jodi siń ńindạ beṅgetʼge tahentae rehõ uni do siń cando latarre Isor okae ceka akatʼ ona purạte bae bujhạu daṛeakʼa. Ar manwa do ona sendra ńam lạgitʼ joto lekanakʼe kurumuṭulere hõ ona do bae sendra ńam daṛeakʼa. Mitʼṭen ạkilan hoṛ ona doe baḍaegea menteye menlere hõ enhõ uni do purạte ona bae bujhạu daṛeakʼa.

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

Sosolhayic̕ 11:2

Eae goṭecʼ, hẽ irạl goṭecʼ hõ bakhrawakome, ente dhạrtire cetʼ muhin hijukʼa ona do do bam baḍaea.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko upạrte cetʼhõ alope cekaea; bickom jãhãe jojom johae thapame khan uni do leṅga joha hõ thapa ocoaeme.

Luk 6:29

Jãhãe mitʼ johae thapame khan uni do eṭakʼ joha hõ ạcuraeme. Okoe amakʼ oyonakʼe recʼme uni do aṅgrop hõ idiocoaeme.

Luk 6:31

Hoṛko ṭhen khon cetʼleka beoharpe khojkan, onkage ape hõ onko tulucʼ beoharpe.