Luk 6:28 - সান্তালী বাইবেল

²⁸ Ar okoeko sarap apekan onko bhorakope. Ar okoe ape tulucʼ bạṛicʼko beoharetʼ onko lạgitʼ koepe.

Santali Common Language New Testament

²⁸ Okoeko sarap apekan onko bhorakope. Ar okoe ape tulucʼ bạṛicʼko beoharetʼ onko lạgitʼ koejoṅpe.

Luk 6:28 Referans Kwoze

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

1 Korinthiko 4:12

ale do nij titele kạmikana arle khaṭaokʼ kana; ar hoṛkoko ruhetʼetʼlere hõ onko dole bhorako kana, arle khed ocokʼkanre hõ ale dole sahaoetʼ kana;

Romiko lạgitʼ Pạul Apostolakʼ ciṭhi 12:14

Okoeko khedetʼpe onko do alope sarapakoa bickom bhorakope.

Jakob 3:10

Aboakʼ inạ moca khonge sarhao ar sarap noa banarge oḍokokʼ kana. E ińren boehako, nonka hoyokʼ do baṅ bhagea.

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

Luk 6:27

Ape okoepe ańjometʼkan apeń metapekana, ape do aperen bạiriko dulạṛkope. Ar okoeko kurudape kan onko do bhạlạikope.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aposkạmi 14:5

Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Jeheskel 25:15

Probhu Isor do nonkae menkeda, “Philisṭiko do Jihudạ cetanre hala hạkʼliko calao akada; onko do jug reakʼ bene bạiri meṭao lạgitʼ Jihudạ marao utạreko khojkana.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.