Luk 6:27 - সান্তালী বাইবেল

²⁷ Ape okoepe ańjometʼkan apeń metapekana, ape do aperen bạiriko dulạṛkope. Ar okoeko kurudape kan onko do bhạlạikope.

Santali Common Language New Testament

²⁷ Ape ańjometʼkoń metapekana, aperen bạiriko dulạṛkope. Ar okoeko kurud apekan onko do bhạlạikope.

Luk 6:27 Referans Kwoze

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Kạhtukko 24:17

Amren bạiriye gurokʼre alom rạskạkʼa; are tohotʼ bhinḍạṛlenre hõ amakʼ mon do aloe hulạsokʼma.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Mark 4:24

Ona tayom Jisui metatʼkoa, “Okaṭakʼpe ańjometʼkan ona reaṅ luturakʼpe. Oka sosoṅakʼtepe soṅa, inạtege ape hõko soṅapea; arko em juṭucʼapea.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

Luk 8:18

Onate cetʼ lekape ańjometʼkan, ona reaṅ moneyakʼpe, ente okoeyakʼ menakʼtae uni do arhõe emocokʼa, menkhan okoeyakʼ bạnukʼtae uni do oka menakʼtae ona hõe recʼ ocokʼa,”

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Luk 8:8

Arhõ adomakʼ itạ do bhage hasare ńurena ar hara rakapʼente mitʼ sae doboṛ phosol hoyena.” Noako kathae roṛketʼ khan Jisu do ãṭ aṛaṅteye menkeda, “Ańjom lạgitʼ lutur menakʼtaeicʼ doe ańjomma.”

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.

Kạhtukko 25:2

Isor do jãhãnakʼ kathae oko dohoy khan ona do uniyakʼ man kana: ar rapajko jãhãnakʼ reaṅge ḍunḍhạukateko sodorle khan ona do onko lạgitʼ man kana.

Sereńko 7:4

ar ińren gateakʼ iń bạṛicʼ akatʼ khan, okoe do ạuṛiyakʼte ińren bạiriye hoylen iń do uni hõń bańcao akadea.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

Aposkạmi 16:28

Unre Pạul do ãṭ aṛaṅte hohowateye metadea, “Thirokʼme, jiwi do alom loksantama; ale sanamkoge nonḍe menakʼlea.”