Luk 6:21 - সান্তালী বাইবেল

²¹ Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Santali Common Language New Testament

²¹ Bhạgangeape, ape okoe ńit reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Luk 6:21 Referans Kwoze

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Mathae 5:4

Dukokʼ kogeko bhạgana, ente onko do jiwi raṛecʼko ńama.

Johan sodor 7:16

Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,

Luk 6:25

Hae ape bi akanko do! Ape do reṅgecʼpea. Hae ape landakanko do! Ape dope dukokʼa arpe rakʼjoṅa.

1 Korinthiko 4:11

Ale do ńit hạbicʼ hõ reṅgecʼ ar tetaṅtele loraokʼ kana. Ale do reṅgecʼ arle laṅgaṭgea, kilạu ocokʼ kanale ar aleakʼ oṛakʼ duạr do bạnukʼtalea;

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Sereńko 107:9

Okoeyakʼ ontorre tetaṅ menakʼ uni doe ṭanḍha ocokedea, ar okoeyakʼ ontorre reṅgecʼ menakʼ onko do bhage bhage jiniskoteye tirpit ocoketʼkoa.

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Genesis 21:6

Sarae menleda, “Isor doe landa ocokedińa, ar ona katha ańjomkate eṭakʼko hõko landaea.”

Genesis 17:17

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

2 Korinthiko 11:27

Mạsiyakʼ sapʼdapʼ kạmire kosṭoreń paṛaolenre hõ ạḍiń khaṭao akana. Aema ńindạ jagwariń tahẽkana, reṅgecʼ ar tetaṅreń paṛaolena begor jomteń tahẽkana, rabaṅ ar laṅgaṭteń kosṭolena.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Johan 11:35

Unre Jisui rakʼkeda.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Jirimiạ 31:25

Iń do laṅga akankoń cerṭha ocokoa ar nacarkoakʼ ontor doń daṛe ocoytakoa.”

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Sereńko 143:6

Iń do am secʼ tiyiń tiyạretʼtińạ; khaṅgoṭ ot leka ińakʼ jiwi do amre tetaṅokʼ kana.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼkangea.

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.