Luk 6:12 - সান্তালী বাইবেল

¹² Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Santali Common Language New Testament

¹² Inạ tayom Jisu do koejoṅ lạgitʼ mitʼṭen buruteye rakapʼ calaoena ar goṭa ńindạ Isor ṭhen koejoṅteye aṅgakeda.

Luk 6:12 Referans Kwoze

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Mark 6:46

Ar gadel hoṛkoe bidạ baṛaketʼko khan koejoṅ lạgitʼ buruteye rakapʼena.

Mark 1:35

Dosar hilokʼ setakʼ ńut tahẽkanrege Jisu doe beretʼena ar oṛakʼ bạgikate mitʼṭecʼ nisun jaegare senkate koejoṅe ehopʼena.

Kolossiko lạgitʼ Pạul Apostolakʼ ciṭhi 4:2

Koejoṅre jamaṛ akan ar gun manao johar salakʼ jagwar akae tahenpe;

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Sereńko 22:2

E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Mathae 5:1

Jisu do ạḍi utạr hoṛe ńelketʼko khan buruteye decʼena. Are duṛupʼen khan acʼren celako hõ uni ṭhenko hecʼ sorena.

Mark 3:13

Ona tayom Jisu do buruteye rakapʼena ar acʼakʼ kusileka uni do thoṛa hoṛ acʼ ṭhene hohowatʼkoa.

Luk 5:16

Ar Jisu do jaoge nisun jaegakore senkateye koejoṅkan tahẽkana.

Luk 6:11

Unre dhorom mukhiyạko do ạḍi bạṛicʼko raṅgaoena ar Jisu cetʼko cekaea ona reakʼ ako talare galmaraoko ehopʼena.

Luk 6:17

Ado acʼren celako sãote buru khon pheḍkate mitʼṭecʼ soman jaegareye teṅgoyena. Onḍe do acʼren ạḍi utạr celakoko jarwa akan tahẽkana. Ona chaḍa Jihudiạ, Jerusalem, Tur ar Sidonko metakʼ doreão aṛeteakʼ nagrahako khon ạḍi utạr hoṛ do onḍeko hecʼakan tahẽkana.

Luk 9:18

Mitʼ dhao Jisu do mitʼṭecʼ nisun jaegareye koejoṅkan tahẽkana. Unre uni soṅgete eken acʼren cela motogeko tahẽkana. Adoe kuliketʼkoa, “Iń doń okoe kana, ar noa reaṅ hoṛko do cetʼko meneda?”

Luk 9:28

Ado noako kathae roṛketʼ mitʼ hapta tayom Jisu do koejoṅ lạgitʼ Patras, Johan ar Jakobteko soṅgekate mitʼṭecʼ buruteye rakapʼena.

Luk 9:29

Are koejoṅkan tahẽkanrege Jisuakʼ mẽtʼãhã do bodolena ar uniyakʼ kicricʼko hõ pĩṛĩtʼ pĩṛĩtʼ ponḍentaea,

Johan 6:3

Ado Jisu ar acʼren celako do mitʼṭecʼ burure rakapʼenteko duṛupʼena.