Luk 5:33 - সান্তালী বাইবেল

³³ Ado onko sostor baḍaeko do Jisuko metadea, “Johanren celako do jaogeko upạseda arko koejoṅkana, ar Phạrusikoren celako hõko onkayeda, menkhan amren cela doko jom ńũiyeda.”

Santali Common Language New Testament

³³ Ado onko sostor baḍaeko do Jisuko metadea, “Johanren celako do jaogeko upạseda arko koejoṅ kana, ar Phạrusikoren celako hõko onkayeda, menkhan amren cela doko jom ńũiyeda.”

Luk 5:33 Referans Kwoze

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭetʼtakoa. Noko hoṛ do ạḍi bạ̃ṛti sạjạiyokʼ hukumko ńama.”

Luk 18:12

Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’

Aposkạmi 9:11

Probhu Isor do uniye metadea, “Ma beretʼkate sojheko metakʼ kulhite calakʼme. Ar onḍe Jihudạwakʼ oṛakʼre Tạrsus nagraharen Sạul ńutuman mitʼṭen hoṛ khojeme.

Johan 3:25

Ar unre dhorom reakʼ niạm lekate saphakʼ babotre Johanren celako do mitʼṭen Jihudi sãoteko reṭepeṭekʼ kan tahẽkana.

Johan 1:35

Dosar hilokʼ Johan ar acʼren barea cela do arhõ onḍekin tahẽkana.

Luk 11:1

Mitʼdin Jisu do mitʼṭecʼ jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

Mark 12:40

Ar hoṛko ṭhen ńel ocokʼ lạgitʼ jeleń jeleńko koejoṅa, menkhan eṭakʼ secʼ do rạnḍi maejiukoakʼ oṛakʼ-duạrko jom ujạṛetʼtakoa. Nonkan hoṛ do bạ̃ṛti sạjạiko ńama.”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Sakariạ 7:6

Ar tinrepe jom ńũiyetʼ tahẽkana unre apnar lạgitʼgepe onkayetʼ tahẽkana.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Luk 5:32

Dhorom hoṛ hohowako lạgitʼ do baṅ menkhan kại hoṛko lạgitʼgeń hecʼakana.”

Luk 5:34

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko upạs oco daṛekekoa?