Luk 5:22 - সান্তালী বাইবেল

²² Ado onkoko hudisokʼkan reakʼe bujhạuketʼ khane metatʼkoa, “Mon monte cedakʼ ona katha reakʼ dope hudisokʼ kana?

Santali Common Language New Testament

²² Ado onkoko hudisokʼkan reakʼe bujhạuketʼ khane metatʼkoa, “Mon monte cedakʼ ona katha reakʼ dope hudisokʼ kana?

Luk 5:22 Referans Kwoze

Luk 24:38

Jisu do onkoe metatʼkoa, “Cedakʼpe torasokʼkana ar monre cedakʼpe digdhạkʼkana?

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Mark 8:17

Ado celakoko galmaraokan reaṅe baḍaeketʼtako khan Jisui metatʼkoa, “Cedakʼpe meneda piṭhạ bạnukʼtapea? Ape do cetʼ ńit hõ bape baḍaekana se bape bujhạueda? Apeakʼ ontor do cetʼ goṛdho akantapea?

Mathae 12:25

Jisu do Phạrusikoakʼ mone joṅakʼkoe baḍaeketʼ khane metatʼkoa, “Okaṭakʼ rajosṭi apnar talare hạṭińokʼ ona rajosṭi do marao utạrokʼa. Ar okaṭakʼ nagraha se gharońj apnar talare hạṭińokʼ ona nagraha se gharońj hõ baṅ ṭikạukʼa.

Mathae 9:4

Jisu do onkoakʼ mon reakʼ hudisakʼkoe baḍaeketʼ khane metatʼkoa, “Mone monte bạṛicʼakʼ do cedakʼpe hudiseda?

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Sereńko 139:2

Jãhãnakʼgeń cekayetʼ am do jotogem baḍaekana; am do sạṅgiń khonge ińakʼ mon reakʼ hudis bundiskom baḍae daṛeakʼkana.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Jeheskel 38:10

“ ‘Enhilokʼ amakʼ monre do aema lekan hudisko hecʼama ar mitʼṭecʼ bạṛicʼ bundisem perejokʼa.

Kạhtukko 15:26

Probhu Isor do bạṛicʼ monsubạkoe hirkhạwakʼ kana, menkhan bhạlại reakʼ kathako do uniyakʼ mẽtʼre khạṭigea.

Mathae 12:15

Ado ona soṛojontroe baḍaeketʼ khan Jisu do onḍe khone oḍok calaoena. Unre gadel hoṛ do uniko pańja idikedea.

Luk 5:21

Noate sostor baḍaeko ar Phạrusiko do mone monete hudisokʼko ehopʼena, “Nui hoṛ doe okoekante, Isore henostawae kana? Isor chaḍa ar okoe kại doe ikạ daṛeakʼa?”

Luk 5:23

Okaṭakʼ memen algawa, ‘amakʼ kại ikạyen tama,’ se ‘beretʼkate taṛam baṛaeme?’