Luk 5:20 - সান্তালী বাইবেল

²⁰ Jisu do onkoakʼ pạtiạu ńelteye menkeda, “E gate, amakʼ kại do ikạyen tama.”

Santali Common Language New Testament

²⁰ Jisu do onkoakʼ pạtiạu ńelteye menkeda, “E gate, amakʼ kại do ikạyen tama.”

Luk 5:20 Referans Kwoze

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Luk 7:48

Jisu do uni maejiue metadea, “Amakʼ kạiko do ikạyena.”

Kolossiko lạgitʼ Pạul Apostolakʼ ciṭhi 3:13

Ape apere sapahaokʼpe ar jãhãe upạrte apeakʼ jãhãn dos reakʼ menakʼtae khan uni do ikạkaepe. Probhu Isor cetʼlekae ikạ akatʼpe onkage ape hõ eṭakʼko ikạkako lek kantapea.

Johan 2:25

Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.

Mark 2:5

Jisu do onkoakʼ pạtiạu ńelte uni hoṛe metadea, “E bạbu, amakʼ kại do ikạyen tama.”

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

2 Korinthiko 2:10

Ar jãhãnakʼ babotre jodi jãhãeakʼgepe ikạitae enḍekhan iń hõ uniyakʼ iń ikạitaea. Sạriyakʼge iń do jãhãnakʼiń ikạ akatʼ khan enḍekhan Mạsi samaṅre ape lạgitʼgeń onka akada,

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Mathae 9:5

Okaṭakʼ roṛ algawa, ‘Amakʼ kại ikạyentama,’ se ‘beretʼkate taṛamme?’