Luk 5:16 - সান্তালী বাইবেল

¹⁶ Ar Jisu do jaoge nisun jaegakore senkateye koejoṅkan tahẽkana.

Santali Common Language New Testament

¹⁶ Ar Jisu do jaoge nisun jaegakore senkateye koejoṅ kan tahẽkana.

Luk 5:16 Referans Kwoze

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Mathae 14:23

Ado gadel hoṛe bidạketʼko khan koejoṅ lạgitʼ acʼ eskarge buruteye rakapʼena. Ar ńuhumen khan eskarge onḍeye tahẽyena.

Mark 6:46

Ar gadel hoṛkoe bidạ baṛaketʼko khan koejoṅ lạgitʼ buruteye rakapʼena.

Johan 6:15

Noate Jisui bujhạukeda, hoṛko do raje lạgitʼko jormoṭe lạgidokʼ kana. Onate acʼ eskarge uni do arhõ ona buruteye rakapʼ calaoena.

Luk 3:21

Ado okoeko hoṛ Johan ṭhenko hecʼakan tahẽkan onko bạptismako ataṅetʼ tahẽkanre Jisu hõe bạptis ocoyena. Bạptisma tayom Jisu do tinreye koejoṅkan tahẽkana unre serma do jhicʼena.

Luk 9:28

Ado noako kathae roṛketʼ mitʼ hapta tayom Jisu do koejoṅ lạgitʼ Patras, Johan ar Jakobteko soṅgekate mitʼṭecʼ buruteye rakapʼena.

Luk 9:29

Are koejoṅkan tahẽkanrege Jisuakʼ mẽtʼãhã do bodolena ar uniyakʼ kicricʼko hõ pĩṛĩtʼ pĩṛĩtʼ ponḍentaea,